【隱世那些年Cafe】周六限定．青蔥歲月返晒嚟

舊鐵皮玩具、膠相機、第一代Macintosh、影樓木馬、中學枱凳， 觀塘工業大廈內隱世秘密基地Cafe...…

「那些年錯過的大雨， 那些年錯過的愛情...」

我一推門入咖啡店， 腦海隨時響起胡夏歌聲。阿太大叫：「哎呀！套煮飯仔賣唔賣呢？ 好靚呀！」

老闆Eddie答:「依個係上個月Cafe嘅懷舊主題展覽品，我幫你問問物主啦，因為唔係我架。」

雙眼發光的阿太， 似想強行搶走她的心頭好...…驚驚驚。

我問老闆:「依度係咪新開架？」

Eddie:「3年前我租依度係做Studio， 因為自己又鍾意咖啡，2年前就開始兼賣埋咖啡」，同一時間可以將兩種啫好一齊發展，真的很羨慕Eddie。

今日小朋友對小木馬一見鍾情，坐在上面當真馬圍著Cafe轉圈，我曾阻止。

但Eddie說:「無所謂啦，係影樓啲道具，120磅坐上去都唔會爛嘅， 小朋友你放心玩啦。」

另一邊牆掛滿一系列懷舊塑膠玩具相機， 物主朱Sir解釋:「全部都係我當年買吓買吓，儲返嚟，不過，你唔好問我出處，幾十年我都唔記得晒。」

曾任教觀塘職業訓練中心24年的朱Sir，桃李滿門，現時本港有接近7成的攝影記者也是他的高足，甚至Eddie亦是17年前，由朱Sir教導出來。

朱Sir:「因為Eddie係依度開咗Studio，我幾年前先租到樓下8樓做黑房。」

這裡枱枱凳凳正正就是記載了兩師徒當年的回憶，

Eddie:「3年前觀塘職練訓結業，我哋買咗幾套枱凳返嚟， (要錢買架？)，梗係要啦，不過好值得留念，係真嘅。」

Cafe的餐牌也設計得非常校園，SY:「同我本手冊一樣架喎」，很有氣氛的Cafe，可惜每星期只開放一天。

(點解唔開多幾日呢？)

Eddie:「因為上年我係紅磡開咗一間Cafe， 加上半年前囡囡出世， 所以自己真係無時間，但係我又唔捨得觀塘一班熟客，所以就只開星期六， 簡簡單單畀大家飲吓咖啡， Hea吓囉。」

雖然Latent Image的西餅並非由老闆親自焗製，但Eddie會親切跟你交流任何攝影、 咖啡、童年往事，嘆環境、享受感覺已經贏晒。

我忽然覺得Eddie有點似叮噹，這裡就是坐時光機回到80年代最美好的時光。

真正有靈魂的回到童年Cafe， 其實只有軀殼的扮懷舊地方...…無得比啦。

最重要是3月份，這裡更有意想不到好玩意，詳情再續...…

Latte（$32）
拿破崙（$18）

Latent Image byEddie Chan
地址 : 觀塘觀塘道毅力工業中心10樓D
註 • 只開星期六 2pm-8pm

One Little Room
地址 : 紅磡漆咸道北436號富運大廈地下10號
時間 : 星期二至日11am-10pm

大仁生活