既能打造細緻的妝容，又兼顧高防曬度數：RMK UV Liquid foundation

市面上，如講緊真正的粉底，防曬度數多是SPF20-30。

要多一點防曬功能，你可以落粉底前先上高SPF 的防曬產品；嫌煩，就可以考慮用tinted moisturizer，bb or cc cream，好多都會有SPF50+ 的度數。

但如對妝容的細緻度，可能這些產品又不及粉底咁高，可謂針冇兩頭利。

左:RMK Long Lasting UV底霜

中: RMK Basic Control Color調色霜

右: RMK UV Liquid foundation

RMK 一定係諗到這個POINT，這季就出了SPF50+PA+++ 的粉底液，仲有7隻色可供選擇。

其實你可能會問，如果唔怕煩。搽咗防曬先又有乜問題喎？

這當然冇問題，咁多年，大把人係咁做。但如你係想追求貼薄到不得了的妝容時，每落一隻產品都要諗過度過……

多一層=厚一層嘛，如你對妝容冇乜要求，你可能不會發覺；但如你事事求完美的，就咁用肉眼，你已分得到，哪個底妝才叫薄透。如一步可以造到高防曬、控油清爽， 調節膚色……你話幾咁方便呢！

而RMK UV Liquid foundation 另一個好處， 就係佢唔會泛白光 (好多UV 產品， 會有一度白光)， 所以妝感自然。

遮瑕度嚟講，我覺得RMK 另一條LINE 叫Gel Creamy Foundation 更優勝，但佢只有 SPF24， PA+++；

我覺得就快到夏天，清爽、SPF 高的粉底會比較貼合大家的需要。而且UV Liquid foundation造到很透亮的感覺，看起來不厚重，將你本身健康的膚色再昇華多幾層。但如果你面上多瑕疵，我就覺得 Gel Creamy Foundation會啱你多啲。

如果你要用高coverage，但低SPF 的粉底液，你可以考慮用 RMK Long Lasting UV 底霜打底；佢本身都有SPF45 PA ++++， 可以強效防水，亦有控油和修飾毛孔的功效，這會令你的底妝更持久。

其實你唔化妝，都可以當佢面部專用的防曬，夠清爽，都係唔會泛白光的。(更唔會令你流白汗)

但你要記得喎， 無論你打底用咗幾多SPF 產品， 防曬功能並不會累積起來的；只會計你最高防曬度數那枝而已: 如用BASE 係 SPF40，FOUNDTATION SPF 20， LOOSE POWDER SPF15……但你有效的防曬度， 只會是SPF40， 而不是 SPF40+20+15。

如果要進一步提亮肌膚，可以在有需要的位置用點Basic Control Color調色霜 (有4色)。

我冇幾何會全面用調色霜的，因成面用，效果會很不自然，一係白得過份，一係光得嚇人。多數只會在受光位用。我用的是02透亮粉紫色~其實啲色好淡，推開都只係帶點亮光。

近來皮膚質素不錯 (造完貴FACIAL，又去造埋LACER FACIAL，勤有功嘛～)，所以上了UV Liquid foundation，再在眼下的3角位上02色Basic Control Color調色霜，皮膚已充滿水光感。

跟手化了個淡妝～冇上碎粉 (這隻粉底夠清爽，加上我都係乾底，不上碎粉反而可以保留最多的水光感；但如果你係油性皮膚，就要上碎粉了。)

只畫眉、眼線、mascara，再加小小胭脂和lip gloss，眼影都冇搽已好夠精神～

這個palette 係RMK幾季前出的；當中胭脂格上的「白色」 係非常亮….

我只會揩小小在面珠位，令皮膚氣色更好。(因用了Long Lasting UV調色霜，眼下的3角位都夠光，所以不會重覆用在同一位置，免得太OVER)

所以，化妝夠就好，唔係多就好。