雖則成日話：「愛情天注定」，但又有另一句話：幸福係要靠自己爭取！有研究顯示，你的荷爾蒙、興趣、教養等等，都幫到你決定揀邊個，同時吸引到對方為你著迷。一個適合自己的伴侶，對你的長遠健康、心境，甚至你的事業發展都有舉足輕重既幫助。既然咁重要，以下就為大家介紹世界各地既研究：有咩心理因素會影響你揀伴侶。
1.你同對方的異性父母生得似樣
不得不承認，以下既研究結果可能會令你覺得揀伴侶時會有「戀父」／「戀母」既傾向。聖安德魯大學（University of St. Andrews）的心理學家David Perrett及他的團隊早前發現，有些人會被與他們異性父母的眼睛和頭髪的顏色相同的人，容易產生好感。
2.如果你有打Botox
人天生都係愛靚，「以貌取人」既講法可能已經有啲過時，尤其喺現今整容、打Botox咁流行既世代入面，「睇樣行先」都好普遍吧？歐洲一項關於女性長相年齡和吸引力的研究指出，一些曾經有打Botox既女士們，身邊既人對佢地既評價會更偏向正面，而且覺得佢地睇起上嚟健康啲，更有吸引力，甚至覺得她們青春。
3.凝視對方兩分鐘
「日久生情」可能未必喺個個身上都work，但短暫既過電就絕對有可能，馬薩諸塞州大學（University of Massachusetts ）的心理學家 Joan Kellerman做過一個實驗，請來72位本科生進行配對，並要求他們望住對兩分鐘。結果十分神奇，他們大部分都表示，這種凝視增加咗對對方既激情及憐愛。咁就證明，長時間既眼神接觸，可以幫助你同其他人聯繫，燃點內心對對方的正面感情，甚至愛。
4.你屋企有養狗
在密歇根大學（University of Michigan）一項實驗中發現，女人會視男士為自己的護身符，如果男士有養狗的話，女性們會加分，仲會keep住覺得你個人charm添！究竟點解呢？研究就指，咁係因為當男士們擁有一隻寵物時，無形中給人感覺你懂得照顧對方，令對方有一種願意依賴你既傾向。
5.紅色衫最吸引
一提起紅色，十居其九都只會諗到負面東西，又或者嫌佢太鮮艷、搶眼。但是，斯洛伐克一個研究指出，穿紅色衫的女士們往往在社交場合，或者一些約會場合中成功。原來係關件紅色衫事，紅色某程度上有發出性的信號，所以女士們著多啲紅色衫的話，可以成功吸引嗰啲有興趣approach你既對象。
