聖誕首選~鮑魚朱古力+拉麵吉士布甸 @ 超強小甜甜

「真真假假， 只要相信它！！」我第一時見到這套中式系列甜品， 我真的以為是餐廳廚窗的陳列品呀！

這是帝京酒店推出的變種甜品， 實行假亦真時真亦假。

我除了兩碗大盛版本沒有購買之外， 餘下的4款小甜品， 全部早一日電話預定， 昨日拿了回家試食。

酒店的店員非常細心， 本來的紙盒太大， 她們細心的用膠紙幫我貼緊四款甜品。

我說， 其實用紙袋載給我好像更方便喎， 因為那個酒店的蛋榚盒實在太大個了。

阿囝見我在拍照就問我:「又話有朱古力食嘅？ 爸爸你個啲係飯同麵喎， 甜品嚟嘅咩？」

我說你試一試隻天婦羅蝦先啦！！

榛子醬朱古力再被白色朱古力粉包圍住， 有點像全莎朱古力， 我因為敏感不吃蝦的， 但這隻美味的榛子蝦， 則可以和阿囝分甜同味。正！！

除了天婦羅蝦好食之外， 我們一至覺得四款甜品中最最最好味的就是「和風魚旦拉麵」。

奶黃吉士變成麵條， 伯爵茶啫喱作湯底， 芒果吉士蛋糕就是戲肉， 白朱古力片當魚旦， 還有花生蔥花， 較想像中更好食， 最令人不夠喉， 想添食的甜品。

「紅腸煎蛋飯」外觀是不是較拉麵靚呢？ 可惜因為內涵是海棉蛋糕配栗子蓉， 未能中正我的口味， 可能之前的拉麵實在太好味， 所以這碗飯有少少失望。

難怪店員也說很多人讚她們的拉麵， 而我一說到紅腸飯， 她則回應:「見仁見智吧！！」 哈！！ 哈！！ 完全明白了。

曲奇「紅腸」近乎沒有味道， 「煎蛋」又太甜， 栗子海綿蛋糕我又不太喜歡， 一粒粒「白米」還是應該伴鮮奶當早餐好一點喎。

金箔鮑魚撻， 反而又有一定水準， 單看外表已經似到十足十， 望清楚...鮑魚的紋理如同真的一樣。 不過今晚的鮑魚我覺得更好食， 因為原隻是朱古力呀！！

反光的芡汁又是伯爵茶啫喱制成， 而且除蛋撻外， 鮑魚亦一樣注入奶黃餡， 如果是酥皮撻就更加正上加正， 細細件一個人食剛剛好， 今晚真的一次滿足， 中華+和風+甜品三個願望喔！！

大仁生活facebook