嘩!!爆谷原來可以好食得咁緊要 @ Garrett 又一城

阿太昨日給我看何嘉麗的介紹~ Garrett爆谷又一城店大排長龍。心想:「連何嘉麗都話正， 應該唔會差」，於是晚飯後，一家三口走去又一城食爆谷。

店舖位於UG-24， (真不明白現在的商場不可直接叫4樓嗎？？)， 差點走多了一層， 全靠超香的爆谷味吸引住， Garrett正正就在扶手電梯旁邊， 真的好香， 香得我以為身邊有人正在食爆谷。

甫一到達門外， 當時只有3人排隊， 輪候期間， 我還向阿太質疑:「又話好多人排隊？？」阿太一指向後面...嘩！！ 何時走來10多人在後面呢？ 原來， 我們今晚剛剛揀中幸運的一剎入場， Yeah！！

可能生意太好， 店員個個做到「無停手」， 所以男女店員也是「無神無氣無笑容」。 很可惜！！

在場有六款爆谷， 2鹹4甜， 應該香港人也少選擇鹹食的味道， 所以原味及芝士味相對有很多。

傳說中的朱古力限定味只剩10數粒， 男店員說:「朱古力味只在12月份供應， 今日已經賣晒， 只可以畀你試食。」

於是我們點了「夏威夷果仁焦糖」， 小包裝售$60元。(本來還想試原味， 但店員說:「牛油無味架喎」， 於是放棄了。)

試食芝士味， 感覺如同在759買的芝士波波， 味道非常濃， 少食1-2粒果然好食， 但怕吃一包的話， 可能會太膩。

朱古力味一樣超班好食， 每一粒爆谷都被朱古力包圍著， 非常濃郁又實在的朱古力， 食一粒就已經滿足得不得了。

至於我們買的果仁焦糖， 可能一向愛食「夏威夷果仁」， 所以我只可以用「好食到停唔到口」來形容， 果仁與爆谷的比例， 簡直1:4 ， 最初覺得$60元太貴， 食後即時改觀。而且焦糖包住所有果仁及爆谷…原來爆谷是可以如此好食。

戲院的爆谷， 完場時已經不再脆， 但奇怪的是Garrett爆谷， 隔了一天依然脆卜卜， 好食就絶對好好食， 不過食後很快感到口喝， 之後要不停飲水喎。

原來中環IFC店一早已開業， 又一城這分店只開了一星期， 以後去又一城看電影， 有這間霸氣好味道的爆谷選擇， 應該永遠也不用再買戲院的普通貨色了呀！！ (PS: 店員笑吓啦)

大仁生活facebook