KANEBO IMPRESS 系列用後感：持久爆潤之選

近年，我的確少了去做傳統的facial，反而有定期去做各類的光學美容 (for 膚色均勻和收緊)貪佢快靚正。

不用30分鐘的療程，效果就可以維持1個月。補濕、滋潤等的「護理」，多數留待自己在家敷吓mask。

我其實都有一定的傳統facial courses在菲力偉 (為什麼會選菲力偉~因我已習慣去那裡的gym十幾年，所以好順手買埋facial courses。而每個courses 其實都不平的，單次計，吓吓都2xxx元……但說實效果最堅的療程， 都只係last到5天；所以，我要sos時才去)。

以前，都有去幫襯屋企附近的facial house，相近的療程嚟計，佢哋比菲力偉平40-50% (當然試過再平啲，幾百一次的都有，但效果就隔天消失；咁不如我自己在家敷塊mask)；但那裡吓吓都sale 我……真係頂唔順……我情願貴啲去菲力偉，起碼啲姐姐熟晒我的需要，唔sell我……安安靜靜做facial，都係一個好重要的point。

LUNASOL 的skincare 對我來說都不陌生，當中的尊貴line IMPRESS，我都有用過 (只買EMULSION~因為效果好，而價錢亦係我可以承擔的)。IMPRESS GRANMULA 這條LINE 主要係抗衰老，修復DNA，促進細胞增生；亦有亮白和防止黑色素細胞活性化。可謂MULTI FUNCTION。

說說價錢吧….最頂級的Impress GRANMULA Cream N, 40g要 $10,000, serum 要$4500, emulsion $2,640 (懂我為什麼只可以afford emulsion 吧)。lotion (似toner) 都$1680…….

現在, lotion、cream同emulsion 仲upgrade 咗formula，而去Espace Beaute，就有IMPRESS GRANMULA 的FACIAL做……

全程大概90分鐘的FACIAL，豪用成條IMPRESS GRANMULA的產品，才$1800。

不用買COURSE ((因不會開咗COURSE, 就會平啲)，逐次去，逐次比都OK～非常喜歡這種做法……

不用吓吓擔心買錯course，唔啱大不了下次唔再去，又不怕過咗course 有效期。

成個過程，我最喜歡的有以下幾個地方：

用的香薰味道超RELAXING 不用針清，但會用機吸走毛孔的污垢。唔痛的，超豪地用SERUM、EMULSION，豪到我懷疑佢哋會蝕。按摩手勢超讚，連雙手都做埋

但最不得了，係效果……即時見到光彩，這並不出奇。 一切facial (除咗果酸換皮)，做完即時都唔見到效果，真係可以certified 的……

但過咗10天仲有效果，就真係未試過咁堅。 (這相係FACIAL 後10天後影的。)

其實我去做FACIAL 前的2天，剛在台灣金門跑了個半馬，想不到天氣幾熱又曬，令我的皮膚乾到不得了，成個人就在乾燒一樣。

回來做了IMPRESS GRANMULA 的FACIAL，皮膚即時PUMP UP 番。皮膚變回滑滑的，又有光彩。

以下係美容師給我的TIPS：
多數客人敷完CREAM 後，總會有啲吸唔曬要抹走。但我竟然吸到冇得淨，可見我底層有幾乾。

一來當然係我跑完步，皮膚在乾燒；

二來就係時常做光學美容，令底層乾；

所以要配合導入才可以解決問題。

如覺得超乾，可以自家急救 (當然，真係用唔到如在FACIAL 時咁豪，咁大量～肉赤死架……)

洗面後，先上順次序上lotion、serum、emulsion + cream; 之後用一塊乾淨的紗布隔一隔，才在面上舖上保鮮紙；

之後用熱毛巾敷在上面待10分鐘，這會很迅速地將養份帶入皮膚底層。

如果平時覺得乾，就上完emulsion再加，否則基本上搽emulsion 都夠。

其實emulsion的formula 跟cream 一樣，只係冇咁濃。

所以如果你負擔不起cream，買emulsion 都夠照 (正！ 誤打誤撞， 又比我買啱咗！)。可以用手心的熱力按吓面，令產品快啲吸收。

懶起上嚟，IMPRESS GRANMULA成條line 都可以搽埋眼的，你不用特別再搽eye cream。

我拿了些samples 回家用，以下是我的感覺：
成條line 都比較rich 的。 早上我用emulsion 都好夠了。

晚上，只在特別乾的位置如面珠加多小小cream 就夠。

如果去到夏天，我覺得就算晚上開冷氣，搽emulsion 都夠。就算產品係rich，對我來說 (我是aging skin + 乾底)早上用完，就算早幾天都算係悶熱，但未有飈油情況，可見補水力很好。

補濕、保濕和滋潤度都了不起，乾紋絕迹。

皮膚亮澤度自facial 後，一直都keep 到；下巴位置的暗瘡印則未見有很大的改善。