【雞髀先係皇道！】太安樓「手打漢堡」神店搬新舖：超值平民價、水準無得彈！

在太安樓一度被捧為漢堡神店的「味口福」， 由細舖搬過灣仔大舖， 平民價「手打漢堡」我的至愛， 一定要去試啦！

SY問:「有冇薯條食架？」其實我不知道，因為西灣河太遠，所以當年「味口福」日賣400個「手打漢堡」，今日我才第一次食。（好老套！）

80年代， 強哥於FURAMA任大廚， 之後在加拿芬道已經賣手打牛肉.

他說:「打一盤牛肉30分鐘啦，不過依家交晒畀徙弟打，自己有時間先客串咋。」

下午茶餐最著數，手打牛肉漢堡($33)，沙律醬中間有數粒小蘑菇，幾得意！！ 

原來可以額外加配料，早知再加芝士、菠蘿， 之前店員又唔提提我嘅？？ 

店舖標榜澳洲穀飼牛肉，不過個人覺得「味口福」的炸雞髀出色得緊要。

下午茶炸雞髀配雜果沙律或薯角($39)！ 嘩！強哥炸雞脾絶對可以稱王，皮脆又沒有漿粉，簡直可以媲美九龍灣之寶日月星級數。

肉嫩又夠多汁，最正是「脆岳岳」的雞皮，罪惡就罪惡，食完才慢慢懺悔啦。

第一次食咖央的SY:「咩係咖央？ (我:有椰漿、牛油...…總之好食啦)」

(其實我都唔多知，只係知好食就夠啦。) 

被SY喻為:「真係好食過平時D西多士多多聲...…」當然，塗咖央醬一定搶過花生醬，我去親維記都一定要食。( 依度$26包熱飲，抵到爛！)

其實「味口福」在太安樓開業多年，因為加租，所以良哥、強哥決定搬舖...…

良哥:「我哋搵過北角啦、東大街啦...…全部臨門一腳就撻Q，最終上年11月就搵到依度。」

(可能我黑心，其實我要多謝那位加租的業主先生，否則我都唔可以係灣仔食到正嘢啦...…) 

良哥:「你下次嚟試埋我哋個魚柳包，原條長魚柳，我自己都覺得好食...…(你煮咩最拿手？)，我唔識煮架，我只係識食。」(咁咪同我一樣， 我下次一定嚟試！)

味口福
地址 : 灣仔道207號地下CB鋪
營業時間 : 12mn-10:30pm


大仁生活