【第220伏】「切斷鋼筋，實屬平常」？ (裝修中伏大全)

間中都有戶主send一些驚慄圖俾我。

例如：牆身開左一個門位，門上和左右都有被齊口切斷的鋼筋(咁我梗係唔會post原圖啦)。然後戶主問：「咁做有冇問題？」

師傅可能告訴你：「樣樣跟足規矩咩都唔駛做架喎！你改什麼東西理論上都要入紙喎！」

其實錯唔哂。

不過，戶主要考慮每一樣違法既野，所帶來既危險性同法律後果的嚴重性。

跟其他人一樣晾衫出窗，同以上提到的case，違法的程度好唔同。

法例說：主力牆不能破壞。

如果破壞，屋宇署有權封你屋勒令還原。

雖然有啲野，「唔少人都悄悄做」，但「鑽穿佢過條喉」、「切斷一條阻住你條暗喉的鋼筋」、「強行切斷所有橫橫直直的鋼筋開道門」，程度是不同的。戶主亦要考慮，管業署有可能上黎查，亦聽過有案例是媒氣公司職員上來整野，見戶主咁豪邁咁破壞主力牆而「多事」告發戶主...…

我當然唔鼓勵大家犯法。不過如果戶主自己選擇咁做，記得記得要做番相應既保固措施例如用工字鐵代替原本鋼筋既部分功能。當然，咁做仍然是犯法，法律責任不會因此減少，但至少，如果裝修公司保固做得專業，至少危險性會大大減低先。

原文連結:https://www.facebook.com/