【誠品食甜品】靚爆鏡頭：七彩龍鬚丹麥酥

今日是SY學校假期的最後一天， 我想帶他過太古誠品。SY:「吓？ 又去？ 點解前日去睇櫻花唔去呀？ 爸爸...…咁遠！！ 唔想去」

我答:「我哋去食龍鬚糖雪糕多士， 上星期六都未有得食...…」， 一聽到「糖」、「雪糕」，有人即刻換衫大叫:「快D啦爸爸！！ 雪糕一定要食朱古力架。」

走到誠品， SY問:「又話食雪糕嘅， 依度書局嚟喎」。沒錯，「感味宮匠」就在誠品低層。

一支箭衝入誠品， SY左找右找後對我說:「點解無小朋友書嘅，算啦！我哋去食雪糕囉。」(你幾時鍾意睇書？ 我見你日日都睇電視就有。)

「感味宮匠」Sensory ZERO 坐鎮黃竹坑多時， 我也沒有去過， 因為我們全家也對海洋公園不大好感， 所以提不起勁去試食...…(太古開分店咪幾好囉！！)

燒牛麵包套餐連蘑菇湯， 熱朱古力 ($75)， 又是因為不想空肚食甜品，於是叫店員推介的食物。

這裡很不錯， 我問被喻為「暖男」的靚仔店員免費拿了一粒牛油...…

SY:「點解咁難搽嘅？爸爸。」(因為牛油同個包都係凍囉)

意想不到這個牛肉帶有少少牛根， 平日連梅菜扣肉也嫌韌的大少， 今日竟然沒有投訴...SY:「都韌呀！不過我想個包幾好食， 所以我無出聲」(咁巴閉呀？)

吃完配菜， 正餐終登場...…zero choice dessert  ($75)，好靚喎！不過，點解好似沒有宣傳照的宏偉，縮了水呀！！ 

SY:「爸爸！其實點解你要帶老鼠Bearbrick出嚟， 我好驚老鼠。」

我說:「迪士尼隻米奇、米妮你又唔驚？ (SY:佢哋係人嚟呀！) 阿囝你真係人又係你，老鼠又係你，你真係好適合從政。」

不停口食龍鬚糖的SY:「好食喎啲棉花糖， 有士多啤梨(紅色)，有黃色係咩味呀？？嘩！原來仲有白色吖...…真係好食。」

(其實...…根本只有甜味，無生果味架。)

當你問一位愛甜的小朋友，「你唔覺得好甜咩？」，他會答你:「愈甜先愈好食。」

不過， 囝你可否食得乾淨少少呢？ 我好驚你呀！成手笠黐黐。

丹麥酥包伴這款朱古力雪糕好食過龍鬚糖多多聲，SY:「如果係西多士就更加好啦！」

(咁你覺得邊部份最好食？)SY:「不如你問我最唔好食係邊部份啦...…(我:好吖)...…香蕉...…我最憎食水果。」

但我反而覺得， 整份甜品就是靠少少的香蕉來中和甜味， 因為實在太甜。

走前SY坐上當年店家推車到街頭賣咖啡的單車上...…

SY:「假架……唔郁架…...」我說:「人哋紀念以前用架，你唔係整爛人添呀！」

Sensory Zero

地址 / 太古城中心誠品生活
營業時間 / 星期一至日10am-10pm

大仁生活