網友Rex Liu日前在facebook群組「上水人大聯盟」上傳一張照片，並寫道：「三個大男人無個會讓(優先)座比個抱住細路嘅女人........」他上傳的原因，當然是希望得到他人的認同，進行網絡公審，但事與願違。
大部份網民並不同意Rex Liu的看法，認為讓座予他人是禮貌，但不是應份；而且拍攝者難以了解3名男子的身體狀況和不為人知的理由，不宜主觀批判別人；又指手抱孩子的女士應該自備手推車，不得責怪他人。
Efreet Wong：首先，相中見倒（到）個小朋友都咁大個，應該係識行識跑既年齡，唔係一個唔手抱唔得既bb仔。我唔會話咁大個仲抱係唔岩，5歲仲會抱既家長我都見唔少，不過如果係我就唔會抱囉。其次，係一個非必要抱住既情況下，仲要去抱既話，點解唔好好承擔自己既選擇同作為家長既責任，而怪責別人唔讓坐位？社會是不是有點奇怪？
Chi Wai Au：BB車懶得帶，怪得誰...自己懶，就要人哋付出，有冇咁嘅道理呀，人品有問題係佢啫...
Rachel Au：其實有時依尐（啲）野放上網真係好無謂 我地眼見係事實咩？雖然三個大男人唔似有乜問題 但有可能整傷腳，整傷腰，長期病患而不能長期站立 當然亦好大機會佢地係正正常常 但我自己試過大肚又未見肚 一個女仔拎住三大袋野 隻腳仲傷左係包紥埋但條褲遮左 搭巴士拎住咁多野又傷腳真係好難行去後面位坐 就坐左關愛座 結果全程車係咁比人眼望望 有個6十幾歲既老人家仲比說話我聽 但佢又唔係對住我講 我連駁都無得駁 但我大住肚又腳傷 睇唔出係咪就代表我無需要？ 其實我全程車真係好怕有你依尐人（啲）影我相放上網
Ching Lee：1.除左老人家，孕婦，傷殘外，讓座比你係禮貌，但唔係應份。2.你抱住小朋友累，下次就帶bb車出街。其實由出世開始唔成日係又抱唔係又抱，個BB係唔會成日扭抱的！這是父母問題，所以呢種情況不能鬧沒讓座者..另外你可以考慮去搭回頭車實有位…3.咁sales企左10幾個鐘當然想坐一陣，你又試下企10幾個鐘睇下想唔想有得坐下？4.坐係度果個人如果係腳痛，唔通要拎住個牌寫腳痛不能讓座？...唔係每樣野都要拎上網公審，請了解了原因再擺在網上吧，搭出家門口，就驚咁樣做或者咁樣會唔會有人影相話我架？這樣如同沒有自由，不能活得自在一樣。
亦有人覺得拍攝者不應不分青紅皂白，便拍照上傳facebook，公審可能無辜的人士。
Katsuki Kiri；發聲叫人讓坐係要好大勇氣...我都做過...但如果你係岩既..發聲問人人地一定讓...我始終覺得影人相就十分之唔岩...成件事無必要擺上網...
Isis Ho；我孕8個月，都無人讓架，試過比個女人推開我爭位tim，呢啲事日日都有，亦都唔係事必要讓，但會睇到人既教養，但如果真係想坐或者唔舒服，我會開聲，多數都會讓
資料來源：Rex Liu、上水人大聯盟
