【印自己樣嘅朱古力】做慈善又食又玩@ 海港城 X The Artist

上星期一家三口就走到海港城， 同朱古力玩遊戲...…因為可以做慈事，又可以印自己相片上朱古力，無理由唔去玩！

一年一度朱古力展，The Artist為自戀狂的我及同道中人，設有「個人化朱古力」服務。

Pop-Up Store 有即場影相印製。專業打燈，自動化軟件，不過只限$538。（24粒包裝）

阿太:「嘩！咁貴， 你唔好癲啦， 食到個囝蝕牙啦...」 $68(2粒裝)要自行上載相片喎...…點算？？

店員說:「我哋另外可以有$120慈善2粒裝，可以為「香港血癌基金」捐款，而且即場可以幫你影埋相呀！」

這個最適合「孤寒」的我，及緊張阿囝健康的阿太...…由店員親自由DC為我們影全家幅，更加親切啦。

不過，原來不論即場影相，還是上載相片，一律都要等5日才可以收貨...…吓！心急人勁無奈， SY:「我想食朱古力呀！！」

不能即時「食自己」樣貌的朱古力， 唯有走過旁邊「Chocolate Trail Café」 嘆嘆朱古力套餐。

同樣為「香港血癌基金」做善事，我們今日揀選了威士忌辣味套餐 ($60)，辣椒仔Domori及黑朱zChocolat。

我最初以為是威士忌朱古力， 原來真的是給我一小杯威士忌！！ SY:「我都想試吓飲...」， 當然自High不能Share啦.

朱古力痴漢要包辦2粒朱古力，結果又怕辣，又要食的小朋友， 戰戰兢兢食了一口Domori...…

他即時大叫:「辣！ 辣！ 辣！好辣！水水水呀爸爸！」

其實只是回甘有少少辣味的刺激， 這位小朋友應該好合適上Sunday好戲王，咁好戲！

5日製作期滿， 當日即時致電The Artist。原來印了家庭照的朱古力已經準備就緒，好心急。

來自比利時的Lawance:「好多謝你哋，小朋友你會唔會食咗盒朱古力呢？」

SY當時沒有回答， 事後他對我說:「食咗咪無咗囉...…(我:有兩粒喎！)，都係儲啦，我唔捨得食吖。」

(睇嚟阿囝都遺傳咗我， 美好嘅收集精神喎！ )



海港城Chocolate Trail Café
日期：至2月21日
時間：星期一至五12nn-2pm、6pm-8pm，星期六、日及公眾假期12nn-8pm
地點：海港城港威商場大堂II


海港城 X The Artist「個人化朱古力體驗館」
限量版2粒裝慈善朱古力禮盒只限六、日及公眾假期供應


大仁生活