聖誕禮物買平啲啲 @ 新開張「奇趣天地」有85折

話說5個月前慣常到黃埔奇趣天地買玩具， 發現店內隨處貼滿「租約期滿」大減價貼紙. 八卦問店員「幾時結業呢？」當時連店員都不知道喎。

如常一直時不時去睇玩具， 到11月開始， 全店由9折變成7折， 部份玩具真的平過信和， 當時絶對買得好開心。

當時有小朋友抱著麵包超人， 不過始終心繫布甸， 他的視線對布甸毛公仔寸步不離。

到11月23日黃埔總店正式結業了... 不過， 實只是搬舖， 由黃埔花園一期搬了過轉角「投注站」毗鄰。

嘩！！ 從前舊店已經大夠， 新店更更更加大一倍有多. 勁大！ 真的賣玩具， 文具糖果如此好賺嗎？

今日第一日重開， 人流不絶， 排隊人龍從未間斷， 因為新店開張， 由12月17日至12月21日， 全場正價貨品全部85折。如無意外應該可以揀到份聖誕禮物吧！！

不過， 要留意並非所有玩具也是真正便宜， 尋寶遊戲就要考考你的眼光。

例如我發現部份戰隊及幪面超人玩具也是被「抬高」了原價， 之後85折， 價錢會較油麻地現時點貴少少。

但這裡勝在面積大如反斗城， 從前舊店多貨得要善用天花水管位置「塞」貨， (圖上)， 新店暫時非常寬廣， 非常好逛。

我愛逛「奇趣天地」， 因為她不時有特價品， 價錢真的超值， 可惜新店可能未完全上架， 暫時未見有超值玩具陳列出來。

新店多了一個「神秘Show Room」零零舍舍特別暗黑， 氣氛與全店截然不同， 但展示出來的玩具， 卻又不是甚麼超罕珍藏。感覺有點不甚配合。

大大隻Let It Go毛公仔， 約18吋， 未折扣價$234， 不知抵不抵玩呢？

場內黃色特價貨品是沒有85折的， 所以很多「正貨」也預先給人變成特價貨。

我終於找到真正平價貨， 就是糖果部的大部份朱古力， 例如:Zaini 朱古力玩具蛋， 街外最平也售$20， 這裡只售$19。

大仁生活facebook