騙案無處不在，網民Catherine Lee向facebook群組「將軍澳主場」報料，表示有一名男子疑多次向途人騙取金錢，希望提醒街坊小心。
Catherine寫道：「本人第三次見圖中這位男士在連理街（109M小巴站）專向年老長者或傭人姐姐聲稱無錢返北角/東涌/xx屋企，想人給他5-10元！如當有人受騙打開銀包，他更說想去買飯（要求得到更大金額）。由於他警覺性高會背向電話鏡頭，無法影正面。希望各位街坊提醒家人，切勿受騙！」
除了Catherine外，亦有其他網友表示曾經被涉事男子或他的同檔試圖騙財。Ka Lai Ching憶述：「我都比佢呃過，事源（緣）有一日我等緊車，佢行埋黎問我 "小姐，你有無廿蚊散紙？"當時佢雙手插袋，我比左二十蚊散銀佢，佢擰完即刻掉頭走左........我當堂呆左」；而Kelly Suet Wing則表示：「之前我係坑口地鐵站，都試過比個女人問我借錢過海，我唔借仲要比佢問候，諗起都嬲，唔知係咪一個集團」。由於有不少網友曾經中招，大家一定要多加小心，免得成為騙徒的羔羊。
其他網友留言：
Kenneth Chung：係咪攞自己身份證出黎問人借錢個個男人？
chang chun ping：這個人好耐之前已經在坑口一帶出沒了
Yuen Ting Li：就算唔後生……也不該直接問人要錢……又吾(唔)係無手無腳…唔去找嘢做解直費柴一個……
資料來源：將軍澳主場
