【紫沖開了便淡】芝士紫薯打邊爐～拉得過癮！

天生怕凍的仁，本來今晚想到街頭試新串燒店...…不過，天寒地凍，「打邊爐」應該正得多。

烏冬怪SY一聽到「打邊爐」即說:「好呀！好呀！我最鍾食烏冬」，我答:「今晚好特別，我哋食紫色打邊爐。」

火鍋上枱， SY說:「真係紫色㗎喎...…」這個芝士紫薯邊爐是新假期介紹得的，不過...…

「點解新假期嗰個芝士多到好似座山，我哋『稀逛逛』得幾粒嘅」我問阿太。

阿太一邊滾雞，一邊答:「咁你係唔係新假期吖？ 人哋識你係茂里咋」(咁又係！！)

紫薯配芝士，原來味道超正，沒有想過先甜後Creamy的感覺打邊爐可以如此好食。

不過， 我不明白為何指定必要配炸雞...…我情願可以換肥牛，這碟炸雞好鹹，即使浸入火鍋滾完再滾一樣鹹...…

可能自己喜愛紫色，所以當食到一半要加湯時，整個湯被沖淡，店員:「我哋加湯全部只有一款，就係清湯。」

紫沖開了便淡...…嗚嗚嗚...…打回原形了。

其實，這裡食物質素絶對沒有問題，而且有一款「薑汁皮蛋貢丸」亦非常過癮。

限時90分鐘，其實沒有想過新蒲崗廣場內有如此旺的食肆，兩個舖位坐滿食客。

(好彩有訂位，否則就要坐在走廊等枱)

對於暗暗迫迫的環境， 有路過的情侶笑笑口說:「依間嘢幾有聖誕舞會Feel喎，出年聖誕過嚟囉...…嘻嘻！」之後就走。

主店光猛得多， 如果坐在這裡影相一定好睇好多。阿太:「幾好喎，話明最低消費每人$60，我哋$179，佢真係找搵一蚊畀我哋喎」(咁咪好囉！)

$89紫薯芝士雞煲

(包白飯、出前一丁、鳥冬、拉麵、米線五揀一)

限時90分鐘

舒適:★☆☆☆☆

食物:★★★☆☆ (不包括雞)
服務:★★☆☆☆

價錢:★★☆☆☆


拼食三郎 (記得訂位)
地址：九龍新蒲崗廣場1樓B07號舖
營業時間：星期一至六 11am-10pm；星期日、公眾假期 5:30pm-10pm

大仁生活