【唔駛排隊】北海道中村芝士撻，流心效果一流！

話說上星期嘆完「西瓜咖啡 @ 牧羊少年K11」後，SY又跟了我到K11後門對面再戰芝士撻。

店員在門外大叫：「日本中村芝士撻，好香、好滑，限量1500個，賣完就無啦。」

SY向阿太偷偷笑:「我想食3個...…(太:你啱啱食完飯，又飲咗朱古力，食滯你呀，買一個好喇)， 一個點夠食喎...…」

我問阿太:「中村係咪即係中村藤吉呀？」阿太望一望商標，又看看簡介:「唔係喎，佢個Logo係櫻花，都唔係十字架，同埋佢係北海道嚟喎。」

這間Hatsuyuki（雪）(唔係應該解初雪咩？？) 最無敵就是不用排隊，而且她每4分鐘出爐一次，基本上付款後，等2分鐘，店員已經用小木盤端來芝士撻。

經過半熟工房及Bake的鍛練，雪的賣相絶對有過之而無不及，不過味道方面...…排名應該是季軍級人馬。

盲目的芝士狂熱SY，只要嗅得芝士味已經舉定姆指。不過我則嫌酸味太強，甜味不夠，而且牛油皮太硬。

流心效果絶無呃人，完勝港產蛋撻王，不過與隔離街的半熟工房還有一點點距離，加上北海道三個大字，難怪店員說:「我哋每晚7點左右就收爐㗎啦」。

Hatsuyuki雪
地址: 尖沙咀加拿芬道4-6號集友大廈B座地下6號鋪

大仁生活