識揀，一定揀阿妹做女朋友（時來風）

筆者作為阿妹，好明白點解做阿妹既其實都好girlfriendable。（當然家姐都可以。）

一、阿妹係屋企入面既角色同年紀都係最細，有好多事情都要聽屋企既大人話，所以個人都比較服從，對男朋友都比較千依百順同聽話。

二、由於係屋企地位比較低微，好多時都要忍讓，甚至食家姐阿哥死貓，習慣左好多野都忍左佢就算。有時對於男朋友既要求、脾氣都會忍得下（當然唔係真係啞忍，唔公義既當然唔忍得。）

三、做阿妹既，好多時都比屋企人點去做家務，咁樣反而令阿妹識做好多家務（例如筆者既阿哥係唔識用洗衣機、唔識燙衫），願意做家務既女人係絕對娶得過的！

四、做細既，雖然係屋企可能冇咩發言權，但正因為如此，反而令到個人變得細心，留意唔同人既眉頭眼額，同時都懂得關心人地既需要，善解男友之意。

五、阿妹係屋企，雖然都成日比人恰，不過最受人疼愛既都係阿妹，亦都好識得撒嬌，係男朋友面前都會變得好小鳥依人，願意做小女人。

六、據觀察所得，阿妹既性格通常個人比較和善同平易近人啲。

七、對比起家姐，家姐多數都比較獨立、有主見、霸道啲、管住晒個啲性格，我諗冇男人中意比人管住晒既。

八、不過，正因為阿妹比較依賴人，好容易有選擇困難症，好多野都未必同唔識自己話到事，好容易令自己處於模棱兩可既情況，淨係識睇男朋友意思。（中意啲女仔好有主見、獨立個啲男人可能揀家姐適合啲）

講到尾，都係睇下個女仔合唔合眼緣、有冇身材～（唉！）

作者：時來風（本文章由聚言時報授權提供）