【花墟年宵】與「猴」共舞玩GameBoy @ 2016

年宵部隊， 前晩逛完維園， 昨晚就去花墟年宵繼續玩， 同樣20:00左右到達， 果然街坊場輕鬆得多. ~ 第一街更有Q版馬騮陪你玩陪你跳舞添！！

全場最第一眼吸引我的就是城大的「猴城」， SY指住Game Boy ($168)問我：「咩嚟㗎？？」同學們:「你應該唔知， 不過爸爸一定知啦」(我係千禧後， 不過早生仔啫)

除了GameBoy...DC($108)一樣有心思， 同學:「你買咗我哋會即刻幫你影返張即影即有， 機背有個位可以攝返， 直情係一個相架嚟」(真心正， 如果係我部Sony仲正)

（檔位編號26）

九十猴好有氣氛， 因為小小的檔位， 設計成學校一樣， 單單一個跳飛機， 就吸引SY無端端跳起來。

而且任何人也可以在黑板上貼上願望Memo， 我問SY寫了甚麼， 他答我：「我想要多D玩具」(吓？ 你已經成屋玩具喎)

鉛筆欖枕$88， 我問：「你哋讀邊間學校㗎？」男同學答：「港大， 中大， 你噏得出嘅U都有」(咁犀利！！)

（檔位編號39）

「東方猩」的DIY褶紙猴頭Mask象真度很高， 女方猩：「我哋自己設計㗎， $50一份咋， 買一份返去玩吓吖」

嘴部連有一條繩， 可以上下拉動...小小意見， 如果造得再Q版一點， 應該好玩好多。

本來SY不停想找「砵仔糕」， 但找遍整個花墟也沒有， 突然他大叫：「壞蛋仔呀！」原來是用絲花砌出來的， 如果是真花， 我也有衝動想買...

「花墟」較「維園」好像更多小遊戲...之前的年宵， 不太感覺有山寨小遊戲的存在， 是不是沒有了撈金魚之後的醒覺？

$10掟飛鏢， 這位人兄連續玩了4次， SY細細聲講：「佢梗係好鍾意玩， 玩完又玩都有嘅！」

$20可以用iPad與叮噹猜包剪揼， 連贏十場就可幾得到日本來回機票， 講真， 平時同朋友猜， 幾十年我都未試過連贏十關啦。

每年的指定動作， 便是買桃花， 不過今次我找不到去年的肥老闆。結果， 由阿太出馬， 在其中一檔買了一棵$180的桃花。

文老闆：「你認住我， 我年年都係第7街賣細桃花， 出年搵返我啦」

回程時找回去年自己的Blog...「嘩！ 上年我買$60嘅桃花， 點解同今年棵Size差不多嘅？？」

大仁生活facebook