波希米亞鄉郊婚禮

其實響香港結婚都幾奄悶，來來去去都係酒店酒樓擺酒，由朝到晚仲要跟足傳統做場大龍鳳，有幾開心我唔知，但攰過返工就一定架啦！其實結婚係一件好Sweet嘅事，好應該好好感受同享受，而不是將婚禮變成曬金曬銀曬鮑魚嘅節目。

我心目中最完美的婚禮，應該在鄉郊的一大片草地上搭起帳篷，或以輕紗、花朵築成的見證台，配襯懷舊的木枱木椅，穿上波希米亞式的婚紗，伴隨著Live Band的節奏與愛人在親友的祝福下翩翩起舞。超模Kate Moss同Frida Gustavsson都係咁就嫁左， so chill and fun!

可惜，香港人很少會Buy呢套，至少仲有一啲唔知邊個嘅三叔公嗰老婆嘅大姑奶話去到荒生野嶺搞結婚，仲要餵蚊兼無雞鮑翅食,唱你俾唔起錢結婚之餘，仲要俾埋壓力你老豆老母話你不孝，到時六國大封相就無謂啦！