男網友「家樂」近日在facebook發帖，令他成為大家取笑的對象；事關他在文帖寫道：「估吾(唔)到同你相處左一日.就分開.岩岩比隻狗嚇一嚇就同你分開左手.之後就同你分隔兩方.我好掛住你…」並附上一張在半心放著打火機和20元紙幣的照片。
由於文帖內容令人難以理解，又相當搞笑，故引起網民的熱烈回應：「讓幾百萬人心碎可歌可泣的現代愛情故事…」、「感情嘅野，我哋識條鐵咩！」、「隻狗就唔岩拉，仲咩拆散人地…」、「狗話：怪我囉？」、「分手咪分手囉，關隻狗咩叉事…」、「做個有責任的主人，同隻狗一生一世吧啦！」、「一隻狗公見到其他狗公走咗入佢地盤，緊係做嘢㗎啦!」、「嚇一嚇？嚇死左？分隔兩方.....新聞標題：情侶遭狗嚇！一死一命危！」、「分開左『隻手』就係分隔兩方？世上最遙遠既距離…」、「分開左手~~咁右手呢XD~」、「唔緊要，仲有右手~」、「上文不接下理，零分重作…」
此外，照片亦成為大家討論的對象：「關火機同20蚊咩事？」、「失去愛情 留下火機同廿雞（無睇錯底個張應該係廿蚊）！」、「謎面：火機、廿蚊、戒指，猜一個故事；謎底：比狗嚇到分隔兩地~」、「人哋應該想表達嚇到跌咗包煙…」
▼由於文帖內容令人難以理解，卻相當搞笑，故引起網民的熱烈回應。
資料來源：Siu Yubabii、24小時膠通消息報導 (膠Group@ 環球膠報)
