【荃灣健康小店】三低Homemade．煎炒炸三不賣

話說半個月前發現「荃灣驚喜—鮑記大食部」，朋友B對我說:「嚟荃灣都唔叫我，我住係鮑記附近咋，我介紹你食『恩Homemade』，好健康好正架。」

小店就在大窩口站B出口，上橋過對面，望實熊貓酒店直行，一出公園右手邊的荃灣花園簷篷內...…

恩Homemade由兩堂兄弟合作，高的是堂弟叫阿城，堂哥阿南笑笑口:「高佬先係老闆， 我幫佢手架咋」

(哦！ 高佬你之前都係做大廚？) 高佬城:「唔係，我係大陸做精品，不過興趣就係煮嘢食。」

(無端端又會開舖呢？) 高佬:「因為生咗BB之後，想多D時間照顧佢哋，所以就辭職返香港。而我太太個教會就係後面，所以我就索性係依度開舖囉」，原來你是24孝先生，24孝爸爸！！ 

(又話你哋唔煎唔炸，咁串燒都熱氣喎) 南:「串燒係焗出嚟，我哋一年前有賣炸雞翼，不過係用空氣炸爐，唔用油，不過依家無賣」

焗爐好處應該不怕煎得不夠均勻，雞串4條($18)，超值！ (應該唔係心理作用)，焗出來好似Juicy多一點喎。

山渣蘋果酵素就是二人最新的新產品， 高佬:「依個馬來西酵素桶，大約經過4日發酵，你見到面層出晒泡泡就代表飲得喇］，排毒、好有益架。」

我一向腸胃不太好，經常排毒，所以酵素我點了給同行朋友飲用...…朋友M:「原來酵素好似飲酒咁，健康嘢真係幾奇怪。」 

而我飲的木耳桂圓露亦是阿南推介我:「我哋有位教友皮膚好靚， 原來佢就係成日飲木耳桂圓，通血管又有骨膠原...…」一聽到骨膠原，我即答:「我就飲佢， 多D骨膠原。」(朋友插咀:你要通血管就真。)

小店的米飯全部都是紫色？？ 高佬:「因為我哋用紅米、黑米、白米三隻米煮埋一齊，所以就變紫色。」

紫菜飯卷 ($28) 超足料，而且絶對是用溫暖的三色飯即包而成，我最怕冰冰涷的紫菜卷，超抵之選。

(「但以理」係咩嚟架？ )高佬:「地瓜加芝士，甜甜地幾得意，我都好鍾意！」 (咁你鍾意， 我一定要叫啦~$25)

我一見芝士就會拉，雖然今次的飛碟不能拉得太勁，但軟滑軟滑的番薯蓉配芝士，再夾入脆脆的麵包入面...…好食！

非常日式的燒青魚三色飯 ($38)，因為我左影右影的關係，到食的時候，朋友D說:「你睇吓，等得你影完，本來好好食條魚，凍晒…...(我叫阿城叮返熱佢)，千祈唔好，我最憎食叮嘢。」

其實我都只是影一陣姐...…條青魚亦只是放涼了少少...…可能沒有熱食的好味。不過，我又習慣熱的相機食，我食室溫食物。  

(點解你個舖頭名咁得意？)

高佬答:「因為我兩個囡都叫阿恩，而且又有恩典意思囉；Homemade就係出牌嗰陣，佢唔畀我只係用個「恩」字做名...…」(依家仲特別啦)

健康不一定要食齋， 今日食肉的我都竟然零罪惡感！！高佬， 阿南我愛你，我決定日日食木耳，多謝你教識我平食骨膠原秘密。Yeah！

恩 Homemade
地址: 荃灣青山公路15-23號荃灣花園高層13A舖
時間: 11:30-20:00
星期一休息


大仁生活