【10個鐘任影】3D集郵：布甸狗變身牛郎織女

只怪我太早向SY預告:「遲D爸爸帶你去影布甸狗...…」於是過去一個月， 我無時無刻都被追問:「究竟我哋幾時去影布布啫？爸爸。」

原來上次來尖東HK3D館，已經是9個月前，當時主題是One Piece…...正當我在思考上次與Ace、路飛、白星公主的聚會情景，阿囝又大叫...…

SY:「爸爸！ 行快D啦...…我想搵布布先呀！ 點解依度全部都係Hello Kitty嘅？」

我答:「咁啦...…你影埋依個啦...…Kitty衝緊出嚟打你呀，之後你就去搵布布，OK？」

SY:「咁你快D影啦， 我好心急要見布布呀！」

當我一影完， 阿囝即時9秒9走了去其他布景搵他的偶像布甸狗...…

不用5秒， 興奮的他大叫:「搵到啦！！ (我:嘩！佢攞住個斧頭好粗魯呀！)梗係唔係啦...…布布要打爛D石頭起樓」(吓？？你咁都諗到？)

精力充沛的小朋友:「係咪影完喇？ 咁我再去搵吓，仲有冇布布先啦...…」，我:「不如一家人影張Kitty大合照先啦， 咁靚...…(SY:好喇...…)

之後不得了...…因為SY大叫:「爸爸！！ 快D嚟啦...…布甸狗扮牛郎織女呀！」你叫人幫我哋影相啦...…

3D館的專家影得特別有立體效果， 不過SY好失望:「牛郎布布呢？ 點解最重要嘅布布會無咗……媽媽，你幫我哋再影啦」

其實， 我奇怪為何SY會識七夕的故事， 阿囝答:「我梗係識啦...嗱！織女係織布嘅， 佢有一個惡姨姨成日鬧佢， 要佢織布要織快D」

(咁似你媽媽日日鬧你嘅？？)

SY繼續:「有一日織女識到牛郎，牛郎日日去佢屋企，叫惡姨姨唔好成日鬧織女，於是惡姨姨就唔鍾意，所以就叫佢哋以後只可以一年見一次囉。」

又真的似模似樣喎...…我:「咁點解布甸要企係條橋上面？」SY:「見面吖麻...…同馬卡龍，條橋有名嘅，不過我唔記得咗叫咩橋。」

館內一定有Pop-Up Store...…弊家伙， 小朋友一見布甸精品、公仔、水壺、錢罌全部都要買...…幸好我竟然見到救星—皮皮！

難得脫險機會， 我當然即時拉住SY與皮皮，就在牛魔王的大角下合照一張吧！

牛魔王旁有芭蕉扇Kuromi...…SY:「哦！佢大力撥扇， 所以我哋就要扮跌低呀！爸爸。」(係囉...我咪跌低咗囉)

之後阿囝話:「點解無立體布布公仔嘅？？」我答:「因為E家先係第一期，之後4月嘅第二期，同暑假嘅第三期...…布布應該會再多D囉」

(SY:我好想多D影布布呀！)

結果， 這位小朋友真的不停探頭去圍板的隙縫， 嘗試要找出將來出現的布甸狗喎...…其實， 我都覺得阿囝痴纏得有點變態！！

SY問我:「全場最鍾意邊個公仔？」我說:「東海龍王Shinkaizoku最靚， 最立體， 我哋攬住嗰支棍呢...…咁你呢…...(SY:布布係最好嘅)，車！我問你都多餘。」

臨走前， 一家三口齊齊扮賊去捉蜘蛛精...…點解Melody會變成精呢？ 點解天花板上阿太的長頭髮可以反地心吸力呢？ 兩者都只會是一個謎！！

本來說好的4個有獎攤位遊戲， 暫時還是希望工程， 不過工作人員說:「我哋盡趕...…希望聽日有得玩啦！！」

阿囝聽到即時答:「我好想玩呀！ 我唔想走...…」雖然一張票可以由開門玩到關門10個鐘， 但我們也影了兩個鐘...…你仲食桃， 我全日只是吃了半個漢堡包，好肚餓呀...…阿囝！！

奇幻首部曲 中國神話: 2016年1月30日 –4月下旬

奇幻二部曲 西方童話: 2016年3月下旬 –6月上旬

奇幻三部曲 希臘神話: 2016年6月上旬– 8月下旬

HK3DM X SANRIO CHARACTERS奇幻三部曲
地址：尖東加連威老道96號希爾頓中心1樓
營業時間：10:00 – 20:00
門票價格：單次門票 成人$120/ 小童$100 (星期一至五)；成人$149/小童$120 (週末及公眾假期)；
三部曲套票：成人$298 ;小童$220
電話：2721 9720
網址：www.hk3dm.com.hk

大仁生活