【芝士永恒】真‧好味! 食到舔埋隻碟

話說一個月前， 老友告訴我:「喂！尖沙嘴開咗間麵包舖， 叫麥上日光， 佢哋個芝士包超正超好食， 你快D去食啦」

當時心諗:「又係芝士， 又係日本麵包舖...當時一星期試咗3， 4間， 有D悶， 無興趣啦」， 所以就沒有理會。

今日經過金馬倫道， 嘩！點解有條人龍咁長？ 望一望每日限量500個五層流心芝士軟包， 原來就是這間麵包舖。

我即時Whatsapp老友:「乜芝士包係奧地利嚟㗎？ 唔早講， 我排第17呀」

這個室溫進食的芝士軟包， 店員Leslie說:「因為師傅焗完， 要再攤凍， 之後又再上奶粉， 所以每半個鐘頭先出到大約15個包」

(註: 不過留意返， 每人限買6件， 即是可能你前面的排隊人士唔生性， 買到盡...咁都真係有排等。 )

同行朋友說:「我同你夾埋買4件， 如果一陣得3件， 咁米又要第多半個鐘？ (我: 無問題， 我好鍾意排隊嘅)， 不過我唔鍾意排呢！」

原來上月剛剛開業時， 芝士軟包只是$20一件， 短短3星期已經加至$25一件...早知上次聽老友忠告過來試食啦， 蝕呀！唔抵呀！

賣相超吸引， 麵包兩邊塗滿芝士， 好想食呀！ 不過未能數得到是否5層， 究竟怎樣數5層呢？ 早知剛才問清楚Leslie啦。

少少意見， 沾滿奶粉的芝士包， 每件獨立放入透明膠袋， 對於潔癖仁來說， 下次一定不會帶回家. 因為一拿出來， 已經滿枱粉。手濕濕又會感到笠黐黐...抹餐死。

我嘗試切開一半， 因為我想一半凍食， 一半暖食。原來，一刀切入包內， 絶無花假， 鬆鬆軟軟， 麵包不停叫:「食我啦！ 食我啦」

我決定要即時將包私有化， 咬咬咬咬咬...登登登凳！ 這款濕濕潤潤的忌廉芝士， Leslie說是混入了澳洲及紐西蘭的兩款不同芝士出來的效果， 真‧好好好味！ (特別就在面層的奶粉， 簡直神來之筆)

朋友:「彈啲奶粉整污糟又係你， 讚好食又係你， 想點呀？」 所以， 下次即買即刻對實Leslie食晒就最完美。

這款流心效果的甜甜回味帶點點酸氣， 連朋友吃了一口， 也要即時拿出相機說:「不得了， 好食到要即刻影畀女友睇吓先得」。

Leslie說:「如果你一定要叮， 記得最多20秒就好， 唔好叮咁耐呀！」沒有錯...個人覺得叮20秒已經沒有凍食的過癮， 太實在了， 之前的虛虛幻幻， 仙氣十足的滿足感完全消失掉。

今日我們4個人食， 一致裁定這個芝士包好食到爆， 朋友說:「我想舔埋隻碟添...」， 我二話不說搶了他手執的黑碟， 「留返畀我舔...」

麥上日光
地區:尖沙咀

奧地利五層流心芝士軟包 HKD 25 ($90/4件)
每日限量500個/ 每半小時出爐一次


大仁生活facebook