【窮食好東西】$49 嘆鐵板燒+超絶「斑蘭綠豆糕」

話説上星期去深水埗中醫館食糖水之前，發現桂林街有新店開張，庶民價錢、靚裝修，門口仲傳來陣陣燒肉香味。

我問店員:「你哋新開㗎？」店員帶點目瞪答:「一個月，你可以Like我哋Facebook，平$5」

我找她推介，女店員指一指宣傳海報:「好多人叫照燒雞， 你要唔要試一試？」

我專登選了在師傅鐵板前面的位置等候...…不過，新開張一個月就...…

心諗:「唔抹個玻璃， 不如唔好做透明啦，成塊玻璃都係油，感覺好扣分……」

大約5分鐘，鐵板燒便當由店員親自端上枱，$37 有齊前菜（粟米、芽菜），大量燒雞柳、白飯，還有凍檸茶，已經無話可說！

飯面有放了少量櫻花粉點綴，我只可以說醬汁略多了一點，但雞柳入味之餘，更塗上少量蜜糖，香而不韌。 (總之醬汁另上就無敵！)

都是重複一句—「$37蚊仲想點？！」

當日食完庶民鐵板燒，就去了食糖水。

不過，今日我則吃了一個驚醒味覺的甜品，一個已經存活深水埗2年的甜品，點解我如此後知後覺呀？？！！

第一郡 Q1 由純正越南人打理， 我今日吃了越式麵包 $28、蝦紙米卷 $30/3條、蟹膏番茄湯檬粉 $45。

富貴如浮雲，食物就如輕煙，可能我年紀大，Ram容量太少，我只記得最最最好食的就只有斑蘭綠豆糕。

嘩！ 好香好好味，班蘭味超濃，煙煙韌韌有點好食得唔想吞。我問:「係咪越南過時過節先有得食㗎？」

店員平平淡淡答:「吓？ 好普通嘅嘢食，越南好多地方都食到㗎喎」(你咁冷靜，我咁興奮，對比之下，我好似勁Over咁...…)

(你哋一日做幾多㗎？)女店員答:「二百幾件囉，不過通常下午5點幾就賣晒 (我: 依家咪5點囉？)所以咪賣剩依盤囉」

(我有一下衝動掃晒佢...…)

不要問， 以後記得17:00前過來外賣斑蘭綠豆糕！其他食物，有時間才考慮啦～

板上 Griddle Top
地址：深水埗桂林街

第一郡 Q1
地址：深水埗荔枝角道


大仁生活