【牛肉厚過包Tempo】街坊價，學翠如BB嘆巨牛芝堡

因為翠如BB一張IG相，尋日剛剛逛完「牛下新城」，今日都要即刻再嚟食漢堡呀！

昨晚未知來龍去脈， 19:10走入「得寶」FoodCourt，Burger B漢堡包已經全數沽清。

我問:「嘩！你哋日日都咁早賣晒㗎？」 店員:「唔知點解今晚咁多人，之前個幾日都好少人，真係唔好意思。」

原來就是因為翠如BB四日前食過的原力覺醒！入寶山豈能白白走，所以今日我也一定要食到Burger B。

我16:00走到Food Court...…哎呀！點解17:00先開始賣漢堡包呀？莫非我與包無緣，兩日都食不到……

老闆阿文:「我特登過嚟幫手，一日做100個都唔夠賣，不過最多都係做到130個。」

另一老闆Simon:「頭先13:45我要截龍，因為中午已經賣咗60個。其實我想再遲啲，18:00先開始賣包添，因為19:00就無得賣，好核突啫！」

我心諗:「唔理啦！！ 最最最緊要我今日有得食，我最愛菠蘿，就來一個菠蘿牛肉流芝堡。($42)」

漢堡店即叫即製，一捧上手已經牛香無極限，而且還夾一塊靚靚沙律菜，隨小木板上枱，忽然覺得由九龍灣變身到淺水灣的享受。

牛味正，肉不韌，內汁芝士汁源源不絶的滲出來，我好想用性感來形容。牛肉有輕輕的洋蔥粒，數量幸好不多，否則我會好驚有口氣。

朋友說:「如果唔係用千島醬我會更加分...…」我答:「如果可以加多少少芝士醬，麵包多上一點牛油，這個包簡直完美。」

救命！！$42蚊有如此質素，牛肉又厚過包Tempo，超抵！！不過我同朋友說:「早知今日無雞翼，我就唔加$15要汽水同薯條啦。」

朋友:「都唔係吖！D薯條真係薯仔炸㗎喎，雖然都係少D，咁梗係雞翼著數，個包正乜都抵返晒啦。」(咁又係！！) 

臨走前跟兩位老闆合照， 下次送個電話留包服務給我， OK？

Burger B
地址：九龍灣得寶商場
漢堡包供應時間: 12:00-13:45，17:00—售完即止，數量約100個。

大仁生活