【靚到唔捨得食】黃鴨仔、豬頭包包，超搶眼！

今日中午走到土瓜灣想食公仔包包，一去到自己也打個「突」。

我對店員阿珊說:「我最初以為你哋係麵包舖，原來係食點心」阿珊:「係呀！我哋開咗半年咋。」

因為網上見到有超得意豬頭及黃鴨仔的包包，所以第一時間過來試食，我問:「你哋依兩個公仔包包出咗幾耐呀？」

阿珊答:「一個月都未夠，我哋之前擺美食展，可能有人放上網幫手宣傳掛，豬仔、鴨仔要蒸10分鐘，不如你食住個「吮吮包」先啦。」

正啊！我最愛灌湯包。當吮吮包一上枱，我心諗:「嘩！ 真係抵喎，咁大個都係$16。」

阿珊叫我:「你先飲咗D湯，之後落醋，連皮食埋D餡，好食架，我都成日食。」

之前我去銅鑼灣「南翔饅頭店」，就是因為被她的飲管灌湯包所吸引， 不過$42，一粒肉都無，齋湯，外皮又厚。

當時店員說:「好少人食埋個皮㗎喎。」

今日的當然與別不同，價錢驚喜，肉質及湯汁爆入味，不過用飲管啜又太心急「辣親條脷」。

阿珊:「你慢慢飲嘛，乜其他舖無肉嘅咩？咁得意。」(我話係搵笨就真，仲話米芝蓮喎)

之後就到豬頭與黃鴨仔登場啦！

超搶眼︴超可愛，我其實想將隻鴨放入浴缸，齊齊沖涼！！簡直跟SY隻沖涼鴨一模一樣。

而脹卜卜的豬仔頭， 就連我這位阿叔第一眼望也興奮得:「嘩！！嘩！！聲」。

切開鴨仔，身體是全黑的芝麻饀，可能食慣了芝麻卷、芝麻糊的甜，鴨仔絶對適合輕甜的人士。

而豬腦則是芋泥饀，因為兩隻動物要造得挺身一點，所以包身比普通包造得厚一點。

所以，兩款的餡料也較其他店舖的包點略少，食落味道中和後，應該算是少甜健康，絶對沒有犯罪感。

我愛鴨仔，因為我愛芝麻，如果是餡料味道濃一點就更加好，因為我愛犯罪，我是不健康的重味仁呀！ 

鴨仔 / 豬頭 (各$15/2個)
吮吮包 $16

傳點心意

地址: 土瓜灣北帝街61號

大仁生活