【荔枝角】雪糕變晒牛扒、豬扒、漢堡包？！

上星期在Facebook發現素食的朋友Kitty，正在食鐵板牛朳，奇怪問:「妳唔係食齋嘅咩？」她答:「雪糕嚟架！ 係甜品， 唔係真牛扒呀」

原來，元朗出名「攪鬼」的雪糕店Smokey Ice衝出新界，在荔枝角D2 Place開了分店，Yeah！

我半年前己經想食這間甜品店，不過實在太遠...…今日一家三口終於有食神。

Kitty溫馨提示:「佢哋新開試業開14:00，記得唔好咁早去呀。」(好彩你講一講， 所以食咗晏先去， 啱啱好)

我們一坐下，先來一個「日式炸豬扒」。 SY:「我好飽喎， 頭先米食完飯囉，爸爸！你唔飽咩？」

我答:「你幫我影張相先，之後就食雪糕啦！ (SY:咁你又叫個炸魚？)」

原來小朋友以為這份是炸魚柳，不過老實說像真度極高，難怪可以騙到阿囝。

當我用羹給他試少少，小朋友即時由悶悶不樂，變成「好想快D食」的表情，我說:「你落埋果醬先啦」

SY想了一下:「係咪佢扮日式醬呀？ 依家真係好似食炸豬扒...…」麵包及麵包糠扮成的脆漿，配牛奶味雪糕好食。

最正就是麵包質感不太似包，雪糕又軟綿綿，我最愛這種似溶非溶的感覺，超級正！

再來一個雪糕漢堡已經不可以再騙倒阿囝，他問:「咁D薯條係咪雪糕呀？」可惜他一咬便失望，原來只是芝士條。

這款漢堡的包用了燕麥麵包，略嫌有少少太脆太硬，不過影相一流。

但漢堡的雪糕並沒有炸豬扒的軟身，及味道有少少遜色。SY:「依啲係7-11嘅雪糕，之前個好食啲」(小朋友都食得出？)

最後就是腸粉套餐，哈哈！

冒充咖哩魚蛋的炸糯米糍、椰汁椰醬造成的腸粉，再加朱古力醬扮豉油，神一樣的賣相...…

不過， 味道則以超煙煙韌韌的炸魚蛋最好食；腸粉則嫌椰汁味道不太合心水，可能不夠濃，又可能魚蛋太好味的緣故吧！！

至於腸粉內附的雪糕，超硬、超實...…我八卦問Kar:「宣傳說雪糕係Mövenpick，點解好似唔多同呢？」

Kar答:「我哋每款甜品所用雪糕都唔同，腸粉因為我哋預客人外賣，所以原球交嚟特別實」

(你哋最好賣係咪鐵板牛扒呢？) Kar:「係呀！一般我哋預30份，一早就會賣晒，係喎，我哋有新出Wasabi雪糕喎，要唔要試下？」

(今次，食唔落啦，食得太多雪糕，好凍呀！下次先啦！)

Smokey Ice
地址 :長沙灣長義街9號D2 Place 101號鋪
營業時間 : 2pm-11pm

大仁生活