【食咗Twin Stars落肚】必食Kiki、Lala燉奶椰皇

Little Twin Stars現身屯門，因為山長水遠所以我沒有去。

不過，原來一點也沒有損失。事關今日開始，我們可以零距離，甚至直情將Kiki及Lala食落肚添！超Yeah啦！

「點心代表」中環新店， 及TheONE總店同時變身Twin Stars限定店，玩足93日直至2016年3月31日。

不過， 一向走型走潮路線的「點心代表」，所以全店不會有任何Kiki及Lala的影相位及裝修。(今次真係專心食專心到爆！)

今日跟豬仔一齊食，他對我說:「我食咗晏晝架啦！所以唔駛食都得。(我:Twin Stars好靚， 好好食喎)咁我都食個包啦。」

8中10西的點心， 應該點叫好呢？ 最最最想食脹卜卜如同乒乓波的奶皇流沙包 ($49)...…

不過， 被我左影右影之後， 再撕開已經沒有澎湃的激情後果。豬仔問:「仁叔叔！點解你要攪D汁呀？ 係咪攪完好食D？」

最主要是因為我無聊...…但我沒有告訴小朋友，就由得他以為我的食法會美味一點啦...…嘻嘻～

靚靚: ★★★★☆

好味: ★★★★☆

原粒帶子燒賣 $69：豬仔大叫:「上面有好大隻蝦！！」豬仔媽答:「係帶子！唔係蝦，你揀邊隻。 (豬:我要彩虹！！)」

這個價錢， 有彈牙帶子絶對合理， 這個彩虹， 令我想到小忌廉的小星環，難怪豬仔也叫:「彩虹請畀我力量」(不過話時話，佢咁細個又點識E句咒語呢？) 

靚靚: ★★★☆☆

好味: ★★★☆☆

彩色蝦餃 ($59)，今日唯一沒有Kiki、Lala得意樣的點心。你想同樣價錢，沒有樣但有4粒，還是有Kiki、 Lala及彩虹圖案，不過得3粒的水晶白蝦餃呢？

我們揀前者， 多一粒有著數， 水晶白蝦餃的圖案跟流沙包是一樣， 無分別呀！ 

靚靚: ★★☆☆☆

好味: ★★☆☆☆

鮮蝦腸粉 ($49)，超足料，大蝦、帶子及蟹柳，絶對沒有呃秤，專用星星碟又夠靚！ (點解設計咁特別，其他蒸籠沒有呢？)

不過， 三條腸粉， 只有最面層的條有公仔...我問:「點解另外兩條無Twin Stars架？」

豬仔媽:「貴吖麻！」(貼晒三條， 我會食得更加開心囉！)

靚靚: ★★★☆☆

好味: ★★★☆☆

最愛攪攪震的我，當然覺得可以自己灑星星糖飾在Cup Cake 上最過癮！！ ($49)

如果再給我多一倍星星糖飾就最好啦！好玩呀！我跟豬仔一人玩一個，不好意思豬仔，你遇上一個貪玩的叔叔，霸了你一個Cup Cake來玩...…

靚靚: ★★★☆☆

好味: ★★☆☆☆

甜品還有薄荷味的KIKI 或LALA兩款奶凍($49)及全日最最最推介的燉奶椰皇 ($69)

老仁家還是愛熱食甜品，燉奶配椰皇肉，又軟又硬，夠香又滑，雖然價錢有少少貴，但望著Kiki、 Lala嘆椰皇，也算抵！

(如果可以送埋隻碟畀我就更加抵) 

靚靚: ★★★★☆

好味: ★★★★★

送就一定沒有，不過餐具可以買，茶壺$139，水杯$89/隻， 8字碟$89，要睇睇你是否Twin Stars忠粉，我是大口派的，所以今日荷包不用大出血！！

DIM SUM ICON

地址: 中環世紀廣場、尖沙店The ONE

*不設訂位


大仁生活