【浪漫滿屋】全店皆紫！法式街頭甜品店

今日本來想去D2 Place一樓進行特別任務， 不過當準備走上商場扶手電梯前...…

眼前一亮:「嘩！ 點解隔離凹位變到咁浪漫，咁紫咁靚嘅」

我對阿太說:「唔好上去食啦，就試依間， 好有外國街頭High Tea Feel。」

我下意識聯想到法式Cafe，不過...…這裡賣的竟然是泰式菜。

店員阿Milk:「係呀！老闆之前去咗法國玩，話見到有間露天Cafe，全間都係紫色，佢好鍾意，於是返嚟就用同樣Concept囉。」

因為未食午飯， 所以我們點了一份海南雞飯 ($58)， 菠蘿炒飯($55)...…雖然我覺得食物與這裡超違和。不過，沒理由空肚吃甜品吧！ 

將錯就錯，原來鹹食可以加$30就可以換任何$29甜品一款及凍/熱飲品一杯...…

我問阿Milk:「你依度最襯一定係食紫薯蛋糕啦，另外不如推介多兩款甜品畀我吖。」

阿Milk:「泰式南瓜布甸啦， 賣相夠特別，而我就鍾意食芒果拿破崙，你食完一定覺得好食過出面，師傅做得好好食。」(我:就咁決定啦，唔該晒！)

攪攪震的我左影右影，難得阿Milk又唔介意:「你哋鍾意影相啲人，真係好有心機，好多人都好似你咁，又話部單車靚，攞埋碟蛋糕去影添。」

紫薯味勁出的這個紫色蛋糕 ($29)， 阿太話:「最初睇間舖開係樓梯底，都無乜期望，點知又幾好食喎，唔會太甜， 層次又夠出，我之前仲以為係美心D行貨蛋糕。」

其實，這件紫薯蛋糕都很花心機做，表層的花瓣應該費了不少工夫， 而且不甜不膩，對小朋友來說(或者女士們)，起碼不惡毒，輕甜已經可以自己呃自己啦。

三件蛋糕，這件蛋糕亦是小朋友的最愛:「好香...…(我:點解你咁鍾意食呢？三件最淡就係E件)Hey！好食就係好食，因為我唔鍾意食你嗰個南瓜。」

椰汁南瓜布甸($29)，意想不到的十分合我胃口，本來我不太愛南瓜，但原來混入布甸味道好正。

(不過， 如果可以揀個大少少嘅南瓜會更好...…唔夠喉呀！) 

南瓜不會太腍，起碼拿上手也夠實。而且夾雜布甸與南瓜肉一口齊齊吃，南瓜肉仍有少少微甜感覺。

至於全店最人氣的拿破崙($29)， 我覺得開邊的士多啤梨，十足十一對小牛角，很攪笑...…

這裡的甜品，賣相極少女系，就連阿叔也為之心動，酥餅上放兩片芒果，而40多粒花花形的吉士忌廉，粒粒都混入不少雲尼拿籽，今日連我也覺得Elegant到要豎起手指尾食餅！！

超驚喜的法式風情畫， 迷人到暈的粉紫色裝修，浪漫滿屋，氣氛非常冧，今日的下午茶實在動人得緊要！！

Ultra Violet
荔枝角長義街9號 D2 Place V2舖 (扶手電梯旁)
Mon-Sun: 11:30-23:00

大仁生活