有網友昨天(7日)把老友跟其女友對話的手機訊息截圖，並私訊給Facebook專頁「有種部隊 Guts Army」，希望大家評評理。

從截圖中得知，男友享用了性工作者的服務，並在網上討論區的夜遊區，發表「專業報告」；怎料，他忘記登出，且沒有關閉電腦，遂被拍拖4年的女友發現。男友開始死口不認，但當女友透露自己所見，又斥責不獲尊重後，便大發雷霆。

男友控訴指，自從2014件12月23日起，女友便以種種理由，拒絕發生性行為：「差唔多400日啦，點解咁耐呀？係你次次都話無心機、無心情、姨媽到，連續幾個星期問你(，)你都話姨媽到，你姨媽長住架？」

他又指，「我自問無本事去識其他女仔，因為我愛嘅係你…咁耐以來我都只係去過四次咁大把…成棟富士廿二層樓，我次次都行足晒咁多層，行到身水身汗就係因為要搵一個最似你嘅姐姐仔先去做…」

女友聽到男友的辯駁後，態度一度軟化，表示要求對方檢驗有沒有愛滋病或性病後，才考慮會否原諒。可是，男友對女友仍然不覺得自己出現問題，而感到無奈，並附上「性治療服務」的網站連結。

支持女友的網友回應：
「認真！我覺得如果個男仔忍唔到咪分手囉，如果因為太愛唔想分手埋忍下囉 再唔係就攤出來講，溝通好，帶去睇醫生，但係無論咩原因都好⋯召妓都係唔啱囉，有邊個女仔會接受得到⋯就好似如果係男仔性能力有問題，你會唔會忍受到自己女朋友出去搵男人啊！最重點係 妳叫完仲寫埋報告，點先，曬命自己有雞叫？使唔使擺出來等大家欣賞下閣下用後心...」

「其實女人叫鴨都好大條道理咖喔，「你條撚細得滯又無理由叫你去整大條撚咖，其實我去叫鴨都好辛苦咖，又要搵條大過你既撚，你估甘易搵咖，一陣搵吾岩又晒成千蚊坐枱錢，又晒時間，又晒左北上既車錢。」拿！男人！如果你可以接受倒你條女甘樣同你講既，我咪同意你叫雞其實都有難言之隱囉，係咪先！」

「如果愛大過需求咪忍囉，需求大過愛既咪分手囉，何必偷偷摸摸咁辛苦出軌之餘，難為了自己又同時傷害左對方......」

支持男友的網友回應：
「老實講條女唔比自己男朋友搞成年幾 條仔去叫雞好正常啊 男女都有需要 試下你撩條仔搞野佢成年幾唔理你你都唔得啦！」

「唔好話幾年，條仔一個月唔掂我，我都已經懷疑佢係咪唔愛我，痴線，一齊到只有愛冇性，神交咩…呢次我反而覺得女方有問題多啲！」

「如果個女仔係覺得有問題想改變就一早自己去睇醫生啦，唔通真係要個男人出聲帶佢去出先識搵醫生睇咩？最大問題係個女仔根本唔覺得自己有問題，就算個男仔出聲同佢傾話同佢睇醫生，個女仔咪只會發晒脾氣話唔覺得自己有問題...」

「根本已經降級變左兵，個女仔想騎牛揾馬，但點知發現個男去左灣仔富士山出埋包膠，唔憤氣。或，很好的理由分手。個女仔即刻變左受害者！」

批評雙方的網友回應：
「個男人又on9嘅，一日唔醫好性冷感，就算結到婚，最後咪又係會離⋯

一段完美嘅關係，除咗心靈上嘅溝通，身體上嘅溝通都好重要架！個女人又係on99嘅，點解察覺唔到咁耐無性生活係好有問題？唔係離地到覺得自己男友係唐憎呀嘛？」

「嗱...條女又係唔得既，玩飢餓三百咩，唔好下下拎咩你只為搞野先一齊，男人咸濕係天性，不如你嫁個太監，連打飛機都冇得打既男人，另外條仔覺得條女性冷感係應該調教下佢，唔係叫雞解決，總之兩個都on99...」

▼男友跟其女友對話的手機訊息截圖。

 

資料來源：有種部隊 Guts Army