有新婚的網民在facebook表示，好友竟然以價值800元的超市現金劵代替現金付人情。現金劵在2015年12月31日到期，而當事人是在12月30日結婚，即現金劵只有1天的時間使用；新人在1月4日拆開人情利是時，才赫然發現得物無所用。
可是，低處未算低，另一名新婚的網民竟然收到兩封「大拿拿」100元人情，事主相當氣憤：「一舊水人情……多謝晒囉，謹此祝願他朝擺酒也相同。」部份網友力撐事主：「不如佢用報紙啦！」、「其實唔friend去黎做咩？唔出現咪算，唔通真係封報紙都話冇所謂？依一刻你話人，第日到你擺酒又Ｘ出黎，不過只可以話，唔熟就咪請人啦。」、「兩舊水，總好過8張印著100蚊既百佳廢紙...…」
大部份網友則不認同事主，認為擺酒不應該視作賺錢的生意：
「其實差唔多啦，一圍大概12至13人，每人一百都1200至1300，兄弟你唔係想結婚撈一筆啊？」
「仆街既唔係比果個。。係收果個。。擺得酒預左果筆錢冇。。回番只係Bonus...」、「俾$200人情有咩問題？可能人地無出席也俾二百算係咁啦……」
「試過有人係茶記擺酒，你又冇頭冇尾，點幫你先~」
「擺酒為賺錢？咁不如拎埋個籌款箱去派貼啦～擺酒係志在祝福新人同見證人生重要既一刻啫！你估人地屋企真係冇飯食，要去貪你餐飯，貪你碗翅咩！俾面先出席渣！」
「乾脆定價位賣入門票啦！」
「角度問題，你覺得$200蚊仆x，人哋都可能覺得同你關係到頂係咁多，最重要結婚係喜事，並唔係測試邊個手重手輕最仆x，請得人就預左豁出去。」
「話明請人飲，唔比都好正常，比左就係你既bouns...」
「唔覺得有咩問題喎。。人情係心意，冇話一定要人做幾多架噃。。個人一向唔贊成人情有公價呢樣嘢。」
「對付啲亂咁派帖既人只好同佢講： 你下次結婚我一定到。。。」
▼一名新婚的網民竟然收到兩封「大拿拿」100元人情，事主相當氣憤。
▼早前有另一名網民在facebook表示，好友竟然以價值800元的超市現金劵代替現金代替人情。
資料來源：爆笑貼圖區、非官方： 高登貼圖區
