冬大過年

冬大過年做節了，需然得2個人都煮返幾味，哈~~

不錯吧，全部是大少煮的，呵~~

因為我有D忙，今日要吃足三餐。

早上己經整定鹽焗雞，係……要講下！

大少斬雞手勢係唔錯，同一把刀，我刴到爛茸茸，佢就斬得唔錯，不過.....佢排盤就成日唔同，好講心情。

佢煲湯一定係番茄湯首選，所以今餐都係蕃茄薯仔西施骨湯。

魚呢就唔蒸，起肉炒西蘭花，話咁啖啖肉喎。

鮑魚燴豆苗，用罐頭鮑魚夠方便。

講真做節真係不停食……

中午約左師父和師姐們去食齋。

三十年無去過屯門青山寺，今次有機會上黎，係話呢度今日有齋食，我又為食，忙都黎食，哈~~

原來係 阿彌陀佛誕法會，這約會是臨時的，加上下雨及大風，山上温度低一點，無細看周圍環境的變遷，下次一定揾個時間再來睇睇。

上左香，要去坐定定食齋啦。

為左在這寒冷天氣讓大家驅寒，寺方提供超多薑的蕃薯糖水；

盆菜好靚，味道唔錯，份量很足夠，讓大家一路食一路傾，食得好開心。

寺方還提供的士，在山腳接送，方便大家。

食完齋沒跟他們食下午茶，回家弄些東西，整幾個涼拌菜帶去99屋企，因為凍，所以今次做冬就打邊爐。