【Twin鯛魚燒】大阪燒塞入鯛魚肚～超抵！

一年前大熱韓食「雪糕鯛魚燒」襲廣華街，原來如此快又過了一年。

今日，一家三口又去食鯛魚燒。阿太:「你會唔會Out得太緊要呀？」

這是飲食男女推介喎...…鯛魚燒內不是放吉士、紅豆，而且變身鹹食大阪燒。

阿太:「大阪燒？ 我啱喎，我最鍾意食大阪燒」，於是三個人便走去太古城中心Apita。

連續2星期也到太古， 連SY都說:「又嚟？ 係咪又有得溜冰呀？ (我:無得溜喎， 去食鯛魚燒咋) 好遠...…有冇雪糕㗎？」我搖搖頭:「鹹食嚟嘅， 不過可以叫多一個綠茶畀你，好唔好？」

當去到二期地庫日本橋屋長兵衛， 不要說人龍， 客人都沒有一位， 我點了兩個鯛魚燒後問店員:「鯛魚大阪燒乜唔係新出嘅咩？」

店員輕鬆回答:「吓？出咗好耐啦喎...…(我:幾耐？ 一年有冇？)我諗真係差唔多成年啦」哦！ 難怪難怪...…SY:「爸爸！ 哥哥話一年？咁咪好舊？」

無人食更好， 我不用排隊...…吖！ (死撐MODE)

其實一個鯛魚燒， 兩三位店員幫我製作， 你注入強漿造鯛魚燒，我放上火腿，你又塗上大阪燒醬汁...…店員非常合拍，簡直如同男女子混合雙打一樣～精彩！

之後來一大堆生菜...…看著鯛魚燒一邊焗，一邊脹大，脹卜卜的魚身，連模具都被脹開...…好似好好食！

大約10分鐘的時間， 鯛魚大阪Twin燒來了...…雖然感覺有少少縮了水，但超香，就連只識吃雪糕的SY也說:「真係好香！！ 爸爸，我可唔可以試一啖？」

不過環顧周圍又好像沒有地方可以進食，店員:「你見到有位就食得架喇」

阿太:「人哋預你攞走， 鬼知你又要影相， 又要人哋切開咁麻煩咩」

(咁我唔食， 相機都要食， 無位影好唔方便)

一般的大阪燒用麵糊漿燒出來大大份，不過今次只釀入鯛魚肚內，可能少食多滋味，在未夠喉的情況下，份外好食。

我未想過鹹食鯛魚燒可以如此好食，鯛魚皮原來很夾大阪燒的燒汁， (幸好大廚不是放得太多， 剛剛好！！)

不過， 小朋友試過一口後， 還是只顧他的綠茶味...…

始終這位嗜甜的小朋友都是比較硬頸:「綠茶好食， 爸爸你個唔好食...…點解我E度無雪糕， 上次食幾次，次次都有」

我答:「梗係啦。佢叫你$16蚊咋喎，有雪糕要四十幾蚊，我一陣買個Godiva畀你，溝咗落肚咪一樣囉」

鯛魚大阪燒/ 抹茶鯛魚燒$16 

日本橋屋長兵衛

地址：香港太古城中心