缺乏公德心的表現確實令人厭惡，故兩名香港女生疑在惠康超級市場亂丟貨品的行為，引起網友們的激烈抨擊。
facebook專頁「高登貼圖區」今早(16日)上傳了一段54秒的短片；片中的兩名港女不但在超市跳舞和亂跑亂跳，更瘋狂地拋擲各種貨品，好像預先包裝好的急凍肉、軟糖、紙巾，甚至是零食和餅乾等，也成為她們的目標；而部份貨品被拋擲後，更跌落在地上，再遭購物車輾過。
雖然港女自動自覺地把玩樂完的貨品，放回原來的位置，但不少網民認為易碎的產品已經損毀，令不知情的消費者蒙受損失：「掉軟糖，紙巾啊，都可以接受，但其他食物咁掉乜都爛曬（佢地自己買番就另計）...」、「條片見到，食物好有手尾咁放回原位，等你買...不過啲餅𥚃面碎晒...」、「唔怪之得，買餅乾、薯片，都係碎架啦，原來仲有呢個因素...」、「佢地咁想紅，搵人成全佢啦~」、「佢地想出名，起佢地底仲益左佢。」、「抄外國啲片！」、「擺明有型啦，剪埋片咁~」、「毫無娛樂性...on9當有趣...」、「佢地有無家教架 正一有爺生無乸教...」、「哇~見佢吔投擲技巧成熟，仲唔係國家隊嘅材料？」
亦有網友懷疑港女是超市的職員：「周圍無乜人既...」、「似係裏面做嘅人黎，收左工響度玩...」、「另類宣傳手法吖？」
▼片中的兩名港女不但在超市跳舞和亂跑亂跳，更瘋狂地拋擲各種貨品。
▼有貨品被拋擲後，跌在地上，再遭購物車輾過。
資料來源：高登貼圖區
