部份香港學童的功課被指雕鑽，甚至大人也需要攪盡腦汁，才能得出答案；近日，網民Kkpc Station便在facebook群組「小心駕駛(討論別人駕駛態度)」上載一張令他大感困難的小一數學練習題照片。
上傳者對於兩條問題感到困惑，包括電腦屏幕約長____個指距，以及桌子約長____個臂距。不少網友直言：「小一題目真係攞命...」、「到底係數學題定IQ題？」、「洗唔洗咁Tricky呀=_="宜家d小朋友真係慘 ><」、「點解宜家啲細路學埋啲咁無厘頭既野？」、「點解唔用間尺？就係依啲濕X作業搞到我唔識分左右ヽ(｀Д´)ﾉ 。」
亦有網友嘗試作答：「唔算陰濕，看清題目作答，係12指距~」、「點會12指距呀，12指腸就有，好明顯係3指距…」、「指距呢樣野其實而家都好常用，一般家庭主婦佢地買褲比細路或屋企人，好多時唔知實質尺寸，都會一定知幾多指距，只不過平時唔會咁文雅叫指距，係叫幾多『攬』，你地問下媽媽一定識(PS: 指距係手指公到手指尾距離) 同埋我想講，呢d問題絕對唔係無聊，係比小學生對量度嘅初步概念，好重要架！」、「問清楚老師，因應該係3個手距，唔係指距，指係手指...最緊要攪清楚，否則測驗考試會錯！」
而解答第3題的網友則指出：「第3題估計是5，因2個身體部分加起應該有1隻臂長」、「好明2臂距~」、「手臂係咪指膊頭到手踭嗰段？冇定義嘅話，好難答…」
資料來源：Kkpc Station、小心駕駛(討論別人駕駛態度)
