現今社會婚姻關係越來越脆弱，家暴、離婚不時出現。今次筆者就要簡單講下四個維持良好婚姻關係嘅小貼士。睇完，停一停、想一想、包各位老夫老妻以後小啲爭執，多啲行為，萬歲萬歲萬萬歲！
1.床頭打交床尾和 夫妻何來隔夜仇
話說做得兩夫妻，日對夜對爭執小不免。不過完當日既然話要長相廝守，就知道大家以後仲有大把日子要對著。既然係咁，就有咩都盡快當粉筆字咁，一抹就當無事好過。唔係個腦成日記埋呢啲無謂野，日積月累遲早人都癲，而且以後有咩爭執時又會搵返出來講，咁就真係傷感情喇。
2.對方非完人 總有事情做唔到
話說好多人都以為，結婚，就係搵一個可以補足返你缺陷嘅人。不過經驗話畀我地知：無可能！
你可能會以為你唔敢打小強，但你老公可以；你可能覺得你唔識做家務，咁你老婆一定可以做埋你個份。事實上唔好以為你唔得，就你嘅另一半一定做得到。小啲無謂嘅期望，會對你嘅婚姻有好大幫助。
（無謂期望係指：爬出十八樓窗口整冷氣機去水喉、用廿蚊煮一餐滿漢全席、或者可以抬三百磅野行上唐六樓）
3.結婚唔係平分 留點空間俾對方
結著，結婚唔係平分，唔係一結就代表兩公婆乜都要兩份分。例如你話俾家用都好正常，但俾到對方連自己出去行下嘅錢都無，佢真係谷下谷下就會爆。所以偶然留返小小私人空間俾對方自私一下，咁樣你嘅另一半就唔會覺得你乜都要管著晒。
4.將婚姻當成一門生意
雖然咁講好似好市儈，但抱著呢個心態的確會對你婚姻有幫助。因為一個正常人都會想盤生意做得長而且有錢賺，想到呢下佢地就會有更長遠計劃去做事。而另一方面，你嘅另一伴既係你既收入、亦係你嘅商業拍檔。平時相敬如賓、以誠相對，到時所嘅收入、即係你對婚姻就自然會長做長有。
