幾年前香港已經興起「帶埋阿媽」去見工呢個潮流，聽就聽得多，但估唔到有生之年俾我遇到！
雖然公司基本上已經加入左唔請FG行列 (想知咩事睇返之前啲Post)，但大家都知年尾請人難無辦法。點知今朝Reception 打嚟話個Candidate帶埋阿媽嚟。
我同個Reception講：「定啲嚟，可能阿媽同個仔飲完茶。無事嘅」
Reception：「見工呢啲出去等啦，呢個阿媽上得嚟公司，唔方係好事」
之後真係俾同事講中左，見工咪要填果啲個人資料，阿媽幫個仔填囉係！全個HR部門都係度傾緊點應對，老細就話填完表就請佢走，以填左表等於面左試嘅藉口，廢事見，陣間見一定實中伏。
老細決定英明，因為話唔見都係Reception講，我地係入面食花生。點知阿媽一聽到就發火！
「已經第5間係咁，填完表就叫人走，填表啲資料我份CV咪有囉。」
「好心你地叫人填表就唔好叫人嚟填啦，唔洗車錢咩？」
「我諗住見工係要講嘢架嘛，我已經寫定晒講稿介紹我個仔啲優點。」
最尾果句，就知個阿媽真係諗住入去Interview room，好彩無同佢兩母子做面試啫，阿頭英明！
諗落又唔係好英明，因為佢之前4間啲人事部都諗到呢個方法~
https://www.facebook.com/扮工室政治-1641748232776737/
