相信不論是仍未闖出名堂，或未為人熟悉的設計師，都曾經遇過「認為設計是隨隨便便，撳個制就可以完成」的客戶。facebook專頁「Artist都要食飯」公開了一段客戶和設計師的whatsapp對話截圖，令不少行家憤怒。
該名客戶打算聘用一名正就讀設計課程的學生，以300港元接洽一個工作；可是，他的要求是修改30張具專業影樓質素的照片，而且部份需要加框，以及加入文字風格。
當學生表示倘若加入設計元素，收費會較為昂貴後，客戶竟然回應：「你地咁貴咩」，更要求對方「執張黎睇下…你試下幫我封一輯相…我俾300舊水(300港元)你…值咪比囉…最怕俾d我都執到既質素我」。
學生對客戶的要求大為不滿，但亦禮貌地指出，對方的邏輯有問題；他最終應該亦沒有接受這個工作。
可是，身為設計行業一份子的網民，對客戶不尊重自己的工作感到大為不快：
「我都遇過呢d人，叫你寫個brand planning，講埋design既project，但用左你d野先比錢，唔用唔比錢。自己當然講明收deposit先start，好似我做錯咁，仲話"你只係講錢。。。。。。"唔講錢講咩？4個collections，1個月內時間趕工執人屎坑。仲搵students笨，提供無錢無水腳既！internship........搵邊個做？」
「10年前執一張相都唔止$300啦(視用途、大小及難度...等而定) 仲要睇有乜要求再加，以前D客以為電腦萬能，禁個制就攪掂，而家仲衰，由於科技進步，傻瓜式執相軟件越出越多，D客真係以為用呢D軟件就能執出大師級作品，所以先有呢啲on9價，佢地以為禁個制之嘛，$300比多你啦！」
「我見過有人係ask for free，仲要話好趕，要快喎... 痴X線... 老奉咩！」
「曬氣，去sales幾個鐘都賺到300啦，最憎撞到呢啲客。開名啦，唔好有下一個受害者。」
但有網民卻認為學生亦有不足之處：「Be fair，個artist應該都會有Portfolio俾人做Reference ge....Client可以睇完Portfolio再決定，但定左就唔好輸打贏要。」亦有網友笑言：「1舊水=100蚊；300舊水=30000蚊；正呀喂我做！」、「300舊水，$30000 咁都唔接？」
▼文中提及的客戶和設計師的whatsapp對話截圖。
資料來源：Artist都要食飯
