今日有個FG 同我講，聖誕買左機票諗住去北海道十日旅行。我話：「咦，你入職未夠3個月邊有年假拎？」

點知佢咁同我講：

FG：「年假？咩係年假？」

我：「入職果陣咪講過，係勞工法例下公司要俾員工放嘅有薪假，員工可以排非紅日(我公司放銀行假) 拎假放。」

FG：「我知丫，我淨係聖誕紅日拎假去旅行咋嘛。」

我：「聖誕點樣有十日紅日丫？12月25號係星期五，計埋星期六日都係三日咋喎。」

FG：「咩丫，聖誕紅日唔係23號開始放到出年2號咩？」

我：「你睇乜嘢年曆表見到12月23號開始係紅日？」

(之後收到FG Whatsapp佢個年曆表俾我，原來係佢細妹學校個假期表，將學校假期當做紅日傻的嗎？

好彩佢係11月入職啫，如果佢6月入職咪以為7月中開始放暑假放到9月1？)



 https://www.facebook.com/扮工室政治-1641748232776737/