姆明嚟啦！聖誕森之庭園 7次 Meet & Greet

去年聖誕， 我帶SY去Lcx食姆明Café， 臨走時他竟然哭得死去活來話:「唔捨得姆明， 唔想走…...」

所以， 今日去新世紀見姆明， 我怕又歷史重演， 所以單仁郵集最安全。

其實，我昨晚向SY打聽:「你記唔記得姆明？ (囝諗了一下:咩話？無名指呀？)，上次尖沙咀你喊住唔想走果隻白色公仔。」

囝:「有咩？ 我有喊咩？...… 吖！記得...…記得…...白色河馬。」

好彩SY沒有失憶，不過網上傳聞...…原來姆明並非河馬。

SY:「點會唔係河馬呀？ (我:「佢本來係大惡巨人，變咗做善良嘅侏儒精靈」)， 即係壞人嚟呀？你講真講假？」(維基講架)

商場FoodCourt外， L3戶外區有一個不秘密花園...…嘩！亞美原來一早已經不停油油油。

其實， SY不是太愛靜態活動。所以，除了早幾年阿太迫他上繪畫班，他現在對任何填色也不感興趣。

相反這位小可愛亞美， 則非常主動， 要送我一隻Dinosaur， 為何是Dinosaur？ (因為我口痕，想她畫在其他姨姨嘅手，點解佢以為我鍾意，畫嚟送咗畀我)

中庭的姆名谷森林， 絶對忠於原著的， 一定是史力奇獨坐橋上吹口琴...…

不過， 點解我隻船得一隻槳？？ 就算滿河樹精，結果我都返唔到上岸，點算？？

今日Pop-Up-Store有姆明都學DO姐一樣去Shoping，不得了...…

如果SY今日跟我來，一定將所有軟綿綿亞美、樹精、姆明、史力奇抱住不放。

姆明本來想買亞美返屋企，不過我搶了他，因為阿太鍾意亞美，我影張相給她，等正在返工的她羡慕一下我囉！！

最初我好奇怪:「無端端點解有堆咁大舊嘅草係個場度？」

原來，退後5步睇一睇...…嘩！姆明呀！ 

聖誕樹姆明還會閃黃閃紫發光...…(如果再閃勁啲，或者周圍暗啲啲，效果會更正喎)

全場最好玩， 一定是全景Selfie扮Wally...…就在姆明樹的旁邊輸入電郵地址，Selfie就正式開始，不過鏡頭在哪裡呢？

3樓呀！ 齊齊望上頭頂3樓的橙色大機相—10，9，8...…3，2，1 笑！！

嘻嘻！！ 居高臨下你可以找到老仁與亞美嗎？ (哈哈！！ 點解我明明同姆明影， 出來變咗亞美呢？ )

左影右影，肥嘟嘟的姆明開始攰，他帶我回家與歌妮大合照，中間位置又剛剛夠真姆明坐低喎…...

接住肥肚腩的姆明勁攪笑。我第一時間聯想到SY每晚急急出宮的情景。(我太屎尿屁！！唔好意思各位)

記得上年的Moomin Café，可以有樹精帽借來拍照，如果今日的魔法森林，一樣有道具借我跟姆明合照就發達。

話時話...…點解今日不見史力奇、歌妮、亞美伴姆明齊齊現真身呢？莫非全部走了去冬眠？

如果大家也想跟姆明集郵，記得以下日子...…

12月有7日: 6、12-13、19-20、26-27

時間: 14:00-16:00

地點: MTR層，L3及L4樓層