Lee Gardens「RE: SHARE A WISH 願望．傳遞 - 聖誕球企劃」

上年Lee Gardens嘅聖誕球企劃唔知大家有冇去扭扭呢？我當時就因為知得太遲，所以冇得扭聖誕球返屋企佈置呀！

不過唔緊要，今年佢地載譽歸來，「RE: SHARE A WISH願望．傳遞 ﹣聖誕球企劃」内容更加全面升級，今日我仲好興奮得到邀請，可以優先了解整個活動呀~

今 年Lee Gardens邀得更多知名品牌及創作單位支持膠樽重塑，特別設計代表著願望的限量扭蛋聖誕球，再透過全球首設戶外「聖誕球連動機關」，從「聖誕球夢工 場」出發， 把每個聖誕願望和心意經「聖誕球郵政總局」及「聖誕球快遞專車」傳送到城市每個角落，將整個銅鑼灣鬧市串連成一個聖誕球郵政小鎮。企劃更加入期間限定的 「nanoblock Gift Studio」，務求呈獻最具特色的互動聖誕！

我地今日活動就由「聖誕球連動機關」裝置荷蘭藝術團隊HeyHeydeHaas及nanoblock負責人大合照開始~

我地第一部就係去參觀位於Hysan Place嘅「nanoblock Gift Studio」~

一入到去就見到超過200款最受歡迎、最經典系列的創意nanoblock，細細粒都可以砌得咁精緻，真係好利害呀！

我都真係唔可以續一咁影底同大家分享，所以真係非常建議大家親身去睇，因為絕大部分都係好似呀~

場內仲有好多唔同款式嘅nanoblock出售添~

選購指定款式之後，可以參與「RE:SHARE RE:SHAPE」工作坊，為nanoblock製成品加添聖誕配飾~

想玩唔一定要消費嘅，因為場內都有擺放左啲nanoblock，等大家過下手癮(當然...砌完係唔可以拎走啦)~

仲有另一個免費活動，就係「RE:SHARE RE:SHAPE」格鬥擂台~

只要係限時1分15秒內砌完個指定聖誕圖案，就可以得到獎杯啦~

咁刺激嘅遊戲我地當然都即場試下啦，不過好明顯我係雙手不協調，因為我真係完全唔知自己砌緊乜，最終當然係挑戰失敗啦~

哈哈哈...問天使媽媽借佢個製成品嚟扮下勁先~

接住我地就去Hysan Place地面嘅「聖誕球扭蛋郵筒」~

只須捐款港幣$50，即可於「願望代幣機」兌換「願望代幣」一枚，就可以係「聖誕球扭蛋郵筒」扭出聖誕球啦。為左增加驚喜玩法，「願望金幣」會分為金色及銀色，我地就係依照隨機嘅「願望金幣」去扭聖誕球~

銀色「願望金幣」就係扭雪人扭蛋機嘅聖誕球~

金色「願望金幣」就係扭特別設計嘅「聖誕球連動機關」，當中嘅機關係由荷蘭藝術團隊HeyHeydeHaas設計呀~

其實見到個紅色大號扭蛋聖誕球係入面轉嚟轉去，都幾得意呀~

YEAH...扭到啦~

依個特別驚喜版聖誕仲內附神秘聖誕禮物，有LINE、妖怪手錶、HAPPY SOCLS等精品，總之就一定係驚喜滿分啦~

之後我地去位於利舞臺嘅「聖誕球夢工場」~

雖然同Hysan Place地面佈置一樣，不過依度個「聖誕球連動機關」係唔同，各有唔同特色呀~

Lee Gardens 早前再向公眾籌集廢棄膠樽，並邀得18個來自英國、美國、法國、瑞典、意大利、荷蘭、芬蘭、日本、韓國以及新加坡的著名品牌及創作單位力撑膠樽重塑，設計 成 24款不同限量款式的精緻扭蛋聖誕球。當中有好多都係好HIT嘅卡通，好似有 Groovisions、足球小將、nanoblock、妖怪手錶、LINE、Miffy...等等~

最重要係所有收益全數捐贈救助兒童會，既可以做善事，又可以有個靚靚聖誕球佈置一下，大家都快啲去支持..支持啦！

所有扭出聖誕球的顧客，只須於利園區消費滿港幣$50或以上，並於 Hysan Place四樓特快電梯旁向工作人員出示即日正本機印消費單據及扭蛋聖誕球，即可免費換領「扭蛋聖誕球裝飾套裝」乙份（包括 RE:SHARE A WISH聖誕名牌乙個及絲帶乙條）。

最後一站就係去利園一期地面嘅 「聖誕球快遞專車」~

雖然依度就冇得扭聖誕球，不過依度個小型「聖誕球連動機關」裝置都唔錯，都好值得細心欣賞呀~

當然唔少得依個影相靚位，好有聖誕氣氛呀~

其實整個活動嘅 3大特色「聖誕球連動機關」裝置，包括利舞臺嘅「聖誕球夢工場」、Hysan Place嘅「聖誕球郵政總局」同埋利園一期嘅「聖誕球快遞專車」加埋一齊係一個小故事。分別代表聖誕球由製作、至郵局分發以及運送到收件家庭的過程，將整個銅鑼灣鬧市串連成一個聖誕球郵政小鎮。

所以大家有如果時間許可，都可以考慮依次序行下依三個地方，感受一下依個聖誕球郵政小鎮啦(當然.....記得要扭返個聖誕球，支持一下慈善呀，所有扭蛋聖誕球每日數量有限，換完即止)！