試食：Origos大閘蟹

大閘蟹可以話係好寒涼嘅食物，雖然我好想食，不過一向身子弱嘅我始終都係唔敢，怕自己會即食即暈，所以都一次都未食過。

早前見Tryit有大閘蟹試食申請，所以我就心思思去登記，幸運地抽中左，所以今次係我人生第一次試食陽澄湖大閘蟹呀~

今次Tryit試食安排係由Origos提供大閘蟹，今日去拎蟹時我都有疑惑過我有冇去錯地方，因為睇門面真係唔似一間賣大閘蟹嘅地方~

不過見到張BANNER之後就放心晒~

一入店舖內就見到好大個雪櫃，仲擺左好多大閘蟹添~

大閘蟹專用嘅配件都齊晒，真係一暫式服務呢~

店內仲張貼左陽澄湖大閘蟹出口証，真係食得安心呀~

就係老闆娘為我準備嘅時侯，我當然係四周參觀。Origos除左大閘蟹之外，仲係專賣有機食品，而且種類都好多呀~

嘩....原本今次試食係只有兩隻大閘蟹，老闆娘送多一隻俾我呀~

其實開頭我都有點擔心要自己洗同煮大閘蟹會很麻煩，不過好在老闆娘好細心咁同我講解各步驟，另外亦有小便條提示我地，所以都好安心返屋企開工呀~

返到屋企就可以準備開工啦~

不過整體上大閘蟹都好大隻又非常很乾淨~

首先用牙刷刷乾淨個身體先，不過基本啲大閘蟹都好乾淨，清洗幾吓就得啦~

之後開鑊凍水落紫蘇葉，等待水煲之後就可以將大閘蟹拎去蒸。老闆娘教一定要反轉蟹蒸，如果唔係啲蟹膏就會走晒啦~

大約蒸15分鐘~

簡簡單單就煮好大閘蟹啦~

將啲薑加入蟹醋內，食嘅時候點啲醋，咁就可以冇咁寒涼啦~

開餐啦~

我地依三隻大閘蟹都真係超多蟹膏，仲有啲爆出來嘅感覺呀~

味道方面又真係唔錯，啲蟹肉肉質結實有口感。我地覺得唔點蟹醋反而係仲好味，搭落勁鮮甜呀！

整體上我地大家都對依三隻大閘蟹都讚不絕口，除左啲大閘蟹非常好味之外，值得一讚就係老闆熱情又細心嘅招待，佢好細心咁教我點洗及蒸煮，仲提醒我要注意地方，所以真係服務超好嘅店舖呀！