【銅鑼灣】Lego好精彩 咁樣先係Star Wars呀！

老老實實，上個月時代廣場的星戰序幕展覽，非常失望...…

第二部曲的Lego展，本來也以為「唔慌好」...…

結果， 連SY也叫:「嘩！好勁呀！」。

Lego的大型佈置，中間就是AT-AT機械獸被擊倒的經典場面。配合大電視又正在播古天樂的Starwars廣告，這就是氣勢啦！

傳統經典的白兵們左右列陣...…

我:「咦...…點解少咗隻嘅？SY不如你去扮啦」SY:「白兵好人壞人嚟㗎， (我：好人)，哦！！」

如果我說壞人，囝一定拒絕走過去。

SY:「點解無R2-D2？ (我:你又識？)，你上次教我嘅，你話細細粒，好得意。」，心想:「其實，我幾時同佢講呢？死啦…...唔通我真係失憶？」

可能我愛紅色， 所以我覺得「赤備」好靚。

SY:「點解E個黑武士無頭盔？ (我:佢係黑武士個BOSS， 壞人嚟呀)， 吓！壞人我唔想同佢影相」(結果就出現奇怪表情。)

目前...…我的目標便是找到一隻C-3PO的Be@rbrick。

SY問:「你唔買嘅？ (我:8萬Yen，太貴)。8萬， 1，2，3，4，5，6，7，8個8萬？ 嘩！ 咁...…不如你叫媽媽送畀你囉」(我梗係想啦！！)

終於找到了R2-D2， 小朋友好興奮竟然抱住實一實， 還即時鍚了R2-D2一啖...…我:「你好鍾意佢咩？ (囝:肥嘟嘟好得意呀...…)」

因為之前買出奇蛋，抽中了Chewbacca，所以SY一見到便叫:「爸爸...上次抽到嗰隻猩猩呀」。

我答:「佢唔係猩猩嚟喎，佢係維修師...…(囝:人點會咖啡色， 又咁多毛)」(喬寶寶染晒成身毛囉)

之後，一走入秘密黑房，SY更雀躍:「真嘅Lego呀！爸爸...…(我:頭先嗰D唔係Lego咩？)出面？？假㗎，無得砌嘅」(又係喎！)

單單三幅Lego人仔牆，已經足以令我睇足30分鐘...…嘩！ 好靚呀！！兩父子不停講:「真係好靚呀！！」

經常勸自己，一定唔可以玩Starwars， 一定唔可以掂星戰人仔...…一睇就知何止萬劫不復，簡直兆劫不復啦。

全個黑房的星戰都是由Lego專家Jared砌出來...…果然Lego是萬能的，要砌尤達又得，黑武士又得，Luke都得。 (其實Lego有D咩係砌唔到嘅呢？)

希望今次由迪士尼收購後的第7集星戰，可以一洗頹風，千萬不要悶處未算悶就好。12月17日我都好想請一日假去睇戲呀！

SY被那些Lego的廣告所吸引， 他聚精會神至...…就連阿爸被人捉走都未必會知呀！！

我問SY:「好好睇？」SY:「好攪笑，男人個頭髮又跌出嚟...…(我:下個月套電影仲好睇)，我都好想去睇呀！」

不過， 阿太一定唔會畀SY 17號去睇戲...…唉！ SY:「係囉！ 媽媽一定話快D做晒功課、溫書、沖涼、早D上床瞓覺啦。」

(係！！ 日日都講， 講到SY都識念)

從前， 我會走過TimesSquare對面金朝陽間Groupbuy，高位拍下展覽的全貌。不過後來窗口位被封，從此便不能再影...…

今次有一個由真Lego砌成的TimesSquare實貌， 算不錯呀！