as little as 的童裝體驗

首先要多謝as little as童裝對小小豬嘅厚愛，送上最新嘅秋冬服裝，等小小豬可以做個型仔豬啦~

其實早排我行SOGO時，路經as little as嘅童裝位置，我都俾佢啲衫吸引左我入去睇，因為啲衫設計真係唔錯，斯文得嚟又帶點型格，再加上摸落都非常柔軟舒適。不過奈何小小豬係濕疹底，所以我都好少買啲針織衫俾佢著，考慮左好耐之後，最後都係冇買到。

相隔幾星期後，收到公關姐姐邀請，我當然即刻答應，好待依個好機會試吓小小豬同as little as夾唔夾嘛！

今次小小豬所試著嘅係今季新出嘅獅子款的開襟羊毛衫~

成份為50%羊毛及50%壓克力棉，所以外套看似比較薄，但其實都好保暖，所以非常啱依個好動豬呀~

外套最特別就係其中一個手袖以3D獅子耳仔設計，真係有型得嚟又可愛呀~

原本我都係打算係屋企同小小豬影B模相，點知個傻豬竟然同我講：我著咁靚去邊度玩呢？

既然個傻豬咁講，就帶佢去附近公園行吓影一轉，順便放放電啦！

其實依件外套真係好易襯，簡單係入面加件襯衫，就已經可以好有型啦~

哈哈...依張相嘅小小豬有冇條件去做B模呢~

有得玩佢就係最開心~

根據之後著羊毛衫經驗，小小豬通常著左一個鐘以上佢就會話痕(或者係因為濕疹關係)，亦都係因為依個原因，所以我好少買針織衫..羊毛衫俾佢。

今次我試過同佢著過兩次去街，佢都完全冇話過唔舒服或者痕嘅感覺，仲同我講件衫好"滑滑"添。依家出街都間唔中要求著"滑滑褸"，真係俾佢笑呀！

講多件攪笑事俾大家知，當大肥豬一見到依件衫嘅時候，佢就千叮萬囑叫我唔好著，因為佢話件衫斯斯文文，非常啱去見小學面試著，所以要我留嚟出年等小小豬去考小學時先好著。真係冇大肥豬咁好氣，有靚衫當然要即刻著啦！

我去過as little as網頁睇過，仲有好多靚衫更加適合面試，而且仲有一年時間，話唔埋同年啲款仲靚，到時又可以買過啦！

唔好講一年後嘅事，其實我依家都中左幾件衫，真係好有衝動買俾小小豬，等佢著靚靚過聖誕呀！

最近as little as嘅網頁更新咗，大家有興趣都可以去睇吓。依家仲做緊PROMOTION，由即日至2014年12月14日期間，於as little as網上購物，只要於 CHECKOUT頁輸入DISCOUNT CODE：BLOG-PIG，無論正價或減價貨品均享有額外85折優惠呀！