【銅鑼灣】零秒愛上 綠茶芝士

2個半月前， 兩仔爺走到尖沙咀「半熟工房」排隊買芝士撻。

嘩！霎眼間， 原來「半熟」在銅鑼灣火速開分店啦！Yeah！正呀！！

今日我跟SY說:「晏晝你唔好食咁飽呀！因為一陣有超正嘅綠茶芝士蛋撻食……」

SY瞪大眼:「咁我唔食嘢，我等食芝士蛋撻...…」

去到半熟新店， SY不停說:「好肚餓， 好肚餓， 幾時先有得食蛋撻呀！？？」

店員琦琦:「小朋友， 蛋撻要等多一陣， 不如食個綠茶芝士蛋糕先啦」

嘩！ 這款就是暑假期間， 超限量的綠茶芝士蛋糕， 當日我問極也買不到，估不到等了4個月，終於可以食到啦...…

馮師傅:「你上次無食過咩？ (我:買唔到！)， 今次層次更加豐富， 因為我哋由一隻綠茶粉，轉用咗兩款宇治抹茶粉」(但係又唔覺勁重綠茶味喎)

師傳再補充:「我哋改咗個比重，上次綠茶太重，今次就改到唔會遮咗芝士味」...…

非常潤滑，香噴噴的小蛋糕。

滑嘟嘟的綠茶芝士蛋糕仔， 三啖KO...…吃慕斯一樣， 我好想用可愛來形容，雖然底層是我極討厭的海棉蛋糕，但竟然被改良至精彩的濕濕潤潤，可愛加可愛啦。

即時要添食的SY:「真係好好食，(我:咁有幾好食呢？)，總知好好食，仲好食過幪面超人呀！」(哦！咁對阿囝嚟講， 應該真係好好食啦。)

食完小蛋糕， 便輪到主角登場...…熱辣辣， 脹卜卜的綠茶芝士蛋撻，由廚房被捧出來。

我終於知道:「咩叫做人氣...」新鮮焗出來， 香氣慢慢飄上天...…

蛋撻們不停大叫:「食我啦！食我啦！」...…(真係又有聲， 又有呼喚， 又有畫面架)

SY:「有得食啦！ 有得食啦！」， 我說:「你去前面影張相先食， 好唔好？」

小朋友十萬個不情願:「我好想快D食， 我好心急呀」

原來， 新鮮熱辣的半熟撻非常潤， 但馮師傅建議:「最後等分半鐘先好食， 因為我哋唔係流心， 其實我鍾意等一陣， 唔好太流質先食」

(係呀？？ 我見有匙羹， 乜唔係畀人畢嚟食咩)

馮師傅:「我哋尖沙嘴店， 最初無匙羹， 後來個個客都問， 所以就放在枱面任人攞， 你問我就梗係唔用匙羹食啦...」

(幾好喎， 今次無加價) 師傅:「係呀！ 綠茶蛋糕加咗$2， 但綠茶撻都一樣賣$22， 功夫都材料都用多咗架， 所以好抵」

如果你問我愛綠茶蛋糕，還是綠茶撻， 我覺得小蛋糕整個軟軟綿綿，正得多...…

可能對於一個只愛食酥皮蛋撻的仁來說，牛油皮有少少硬……

我絶對是一位不聽話的老仁家， 雖然師傅千叮萬囑 :「唔好即刻食呀...…要等一陣」。

不過...…蛋撻一焗出，要吹兩口才可以啜入口的流質質感，正到似十足扭蛋抽中超罕特別版一樣，瘋狂！！

今次的綠茶芝士撻， 每日只推出約1700件， 比原味的少， 所以怕撲空的朋友， 可能早少少去排隊會好啲！

綠茶芝士小蛋糕　$17  (推推推推！)

綠茶芝士撻    　$22  

半熟工房

地址：銅鑼灣駱克道