【集郵比卡超】比卡超快閃巡遊

軟綿綿， 肥嘟嘟的比卡超在11月7-9日震騰騰地走遍香港、九龍呀！

7日錯失了觀塘一見， 所以8日中午， 我一早就走到銅鑼灣...…

我出門口時問SY:「你去唔去見比卡超？」， SY:「唔去……我依家唔鍾意佢喇， 壞蛋阿BOB我就去」(車！！ 算……我自己去)

下午一時到達銅鑼灣地帶， 點解一點黃色也找不到呢？ 左逛右逛終於給我在SOGO後門發現比卡超小貨Van...…好攪笑！

我探頭車內， 只有三位比卡超姐姐， 我八卦問:「唔見比卡超嘅？」

工作人員邊忙為貨Van變身， 邊答我:「佢係另一度嚟緊」……(唔講我都唔知……部車無咗對耳添)

比卡超還未出場， 唯有跟比卡姐姐拍一拍照， 留念一下先。

終於比卡超到出場啦！不過……點解得一隻咁少嘅？ 我還以為如宣傳照一樣， 5隻齊齊出動……

不過一隻的魔力已經不得了， 長長的人龍， 個個也笑到見牙不見眼，我就當然笑與不笑也不見眼啦！

全場最觸目一定是肥嘟嘟比卡超， 配上比卡姐， 再手抱一粒小卡超。哈哈！真的絶配～

在我後面的妹妹問比卡姐:「我想問妳件衫係邊度買架？ 好靚。」

比卡姐答:「嘻嘻……好靚呀， 不過係公司畀， 應該無得買」(我都想著住同比卡超影相)

正面的比卡超大家見得多， 她的背面應該比較罕見， 最難得就是小卡超也在上面喎。