【天后】大排檔茶餐廳風味

難得平日老公放假，所以帶左小小豬返學之後，見有時間就入天后一轉，去炳記食茶餐啦~

其實上次入嚟天后去HELLO KITTY CAFE時(哈哈哈.……係有成年多時間啦)，老公都話想試依間多啲，話想感受下大排擋風味。一等就等左成年，今日就做個乖乖老婆，陪老公入嚟感受下啦～

原來佢地開到中午3:30，好在早左嚟，如果唔係都唔可以慢慢歎住嚟食呀。

 唔好以為只係大排檔一定就係簡陋，佢周圍都掛左好多好在佢地特色嘅圖畫，好有香港嘅茶餐廳風味，好靚呀～

估唔到隨意用嘅調味料都幾豐富。

好啦……講下我地食咩先，首先就係飲品，老公話奶茶都唔錯，好少見到大支樽裝汽水嘅檸樂啦～

老公嘅肉丁雞翼米，味道都OK，但就冇「叮」一聲嗰個感覺。

我嘅豬扒肉丁公仔麵，依個真係可以話全餐精彩之選。

碎上嘅豬扒煮得好入味之餘又夠淋身，真係十個好味呀！！

有人仲係度偷食呀。

雖然比一般嘅茶餐，今次就貴左少少，我地兩份加埋都要九十蚊。不過，咁舒服嘅大排檔再加好味嘅豬扒，都可以接受啦！