【有圖】個人衛生問題，搞到無職升？！

呢件事係飲食業管理層業界內都講左差唔多半年，所以都唔怕講。

早前開Post講一啲扮工室非工作行為足以令到一啲Potential Candidate無職升。有網友話「非工作行為都Check，惡過黑社會」，事實職場上真係的。

今次Share另一個例子。有位連鎖店餐廳經理做得好好，業績爆燈。公司諗住將佢由前線管理升職到Office 做管理層。
除左加人工之外，返工由6天輪班變5天，年假其他福利當然正好多啦！
公司阿頭諗住落去分店，宣佈呢個消息時，突然望到餐廳更衣室一張Notice。

細問之下原來呢張Notice唔係餐廳經理貼，係員工同其他伙記貼俾經理睇。
大老細知道原來呢位餐廳經理門面工夫做得好，管理食物衛生做得好，但原來唔愛惜工作地方，做事唔諗下同事感受 (例如係更衣室吐痰)……
結果大老細落到分店乜都無講，之後走左去搵Headhunter 出去物色一個人選入Office做管理層。