杯緣子展覽：帶埋原創者嚟，瘋狂救粉絲！

我家的「杯緣子」專家， 由上星期開始已經不停說:「好緊張！好緊張！...…星期日可以見到古屋社長，原作田中，同杯色子...…」

太興奮的阿太， 足足一個星期瞓著都笑醒...…(變態！)

The ONE今年的聖誕商場Show， 就是近年扭蛋奇葩「杯緣子」（コップのフチ子）， 亦是阿太瞬間收藏過200粒的新偶像。

在露天廣場的巨大1:1真人版杯杯， 連SY也說:「咦，依隻件衫...…點解同依度個名一樣嘅？ 媽媽...…你依隻無喎」

阿太即時大叫:「非賣品嚟架……我尋日特登嚟買咗$2000嘢，先可以換到，每日得30隻咋，好彩我早去，網友話7點就換晒」

(乜要買幾千蚊嘢， 都咁多人咁瘋狂換？？)

乾一杯，乾一杯……恭祝友誼， 放大版杯緣子， 真的靚過阿太細細粒的多多聲……

不過阿太無動於衷， 我問:「你唔影呢？」

阿太:「你影阿囝得啦……因為太大隻，我放我嗰D落去，好細，唔襯，一陣上樓上先影」(一大一細咪仲靚)

L2長廊有杯緣子陪你High Tea， 不過是港式茶餐廳， 紅豆冰， 菠蘿包。(架妹食茶餐真的Kawaii)

扮食飽飽就結帳，小朋友話:「你食咗好多嘢喎...…咁你要唔要請埋杯緣子食呀？」(扮嘢啫……你話點就點囉)

夢想號黃包車我叫小朋友坐上去……SY說:「咦，架咩車嚟架……會唔會郁架？爸爸……我好似未見過有咁嘅車」

(我都係以前係澳門坐過， 黃包車你又點會見過吖？)

之後便到戲肉……商場中庭。SY:「爸爸，我扮得似唔似呀？？」這個「E字馬」你不夠緣子來，你曲曲腳……好水皮。

這個有超過2500隻杯緣子的玻璃杯聖誕樹， 阿太不敢走過來影相， 她細細聲:「一陣我放我D緣子落去， 佢哋以為我偷就死……」

(唔係呀？2500隻都黐實咗架！)

有時也不得不佩SY...…他竟然從20層的聖誕樹當中找到特別款……

「嗱！爸爸...…我講你知，依隻媽媽係無架……(剩係依款無咋？)好似係...…上面嗰啲我唔夠高睇」。

今日的POP-UP-STORE，阿太又瘋狂了……

「你唔好嘈啦...…有啲色我無……好忙呀！ 彩虹7色又要下星期先有……我到時又要嚟過，都唔明點解今日無……激氣」(車！睇你個款……日日都會嚟啦)

當我又叫SY扮車厘子緣子之際，阿太好大大力拍我……「嚟啦！嚟啦！佢哋嚟啦…...」

全場即時起哄，因為三位主角出場啦！原作者田中先生以9秒9畫了杯緣子，粉絲們尖叫…...(原來香港真係有咁多人鍾意杯緣子)

三位都可以幫粉絲簽名，當然首先找社長啦...…原來古屋社長只有40歲. (咁年輕就有一間咁賺錢嘅玩具公司，羨慕死)

之後田中先生問阿太想畫甚麼，阿太竟然驚到口震震:「畫杯緣子就得啦…...」(哎呀！你應該叫田中先生畫我哋三個呀！嘥晒個大好機會)

杯色子最攪笑，SY:「點解杯緣子係女仔，佢係哥哥定姐姐？」我答:「你鍾意Love Live，你都可以扮穗乃果呀。(SY:點扮呀？穗乃果係女仔，我係男仔)咁先夠出位！」

集郵是我的名字，我怎可以放過呢？今日無緣單獨與三位合照，不過每位也可以分開集郵，算是成績很不錯。

事後，我問阿太:「點解你成隻手濕晒嘅...…」阿太笑到見牙唔見眼:「頭先我好緊張呀！好開心呀！同到佢哋影相」(駛唔駛咁誇呀？)

PS: 今日我都好開心呀！因為我請杯色子幫我在阿太的杯緣子雙腳紋身，哈哈！

阿太:「我唔明...…點解要寫大仁生活係我個杯緣子隻腳度囉……」

展覽地點：The ONE

日期: 2015年11月11日 - 2016年1月3日