迪士尼：瘋狂六折齊掃貨！

前日帶左小小豬返學之後，我就一支箭咁衝入迪迪尼，因為約左靚媽DAIDAI齊齊去掃貨呀～

相信好多同我一樣嘅迪士尼控，都等左依個「奇妙處處通」會員六折購物日好耐喇！

平時入樂園見到啲靚衫靚精品都已經好想買，不過一定要忍忍忍，六折先嚟瘋狂入貨可以慳唔少嘛！

六折係由十月三十一日開始，今日都只係第三日，不過好多貨架都見到空空的，都真係有點驚訝，大家嘅購買力真係好勁呢！

今日仲要係星期一，不過樂園啲SHOP都已經好多人，六折威力真係強勁呀！

之前入園因為怕忍唔到手，所以好多時都冇入SHOP行。但原來唔覺唔覺都出左好多新貨，好多都係勁……勁……勁靚呀！

出左好多款手錶，望住依張相……我發覺……我唔記得買TSUM TSUM手錶呀！！！

我依個TSUM TSUM控當然第一時間去TSUM TSUM區入貨啦！

出左SET新碗呀，不過我都係鐘意舊款多少少～

仲有啲攪笑新湯杯～

迪迪尼都比較少NOTE4電話套，今次終於俾我見到，仲要好多新款俾我揀，好靚呀～

仲有啲小書包，好想買依個俾小小豬，不過太大了，所以……忍手！

我今次入園除左TSUM TSUM之外，當然唔少得買衫，好多衫都真係好靚，我直頭有選擇恐懼症，好在有DAIDAI幫我眼，所以有好友同行一齊SHOPPING係唔同啲！

嚟緊有星戰電影，當然唔少得佢地嘅精品啦~

哈哈哈……連DUFFY都星戰一番啦～

十周年嚟喇，所以園內都已經有好多唔同種類嘅十周年商品。勁想買件風褸，如果唔係小小豬早前買左兩件風褸，我一定掃埋佢呀！

哈哈哈...我地兩位媽媽購買力都幾強，一人一大籃，購物慾好勁呢～

簡直係滿載而歸呀~

隨著萬勝節完結，樂園已經靜靜地開始為聖誕節做好準備，真係好期待聖誕及十周年嘅活動呀~

今日嘅戰利品，真係超滿足，最開心就係買到幾件靚衫，又有靚靚電話套呀~

今日真係可以話超級興奮，好耐冇試過買嘢咁過癮啦！(當然嚟緊又要慳返啲啦……)

今日仲有一件事令我好興奮，好有滿足感。事緣我地俾錢時，其中一位收銀姐姐係我地臨走時，佢笑笑口同我講：『我好開心呀，可以見到你，頭先望你第一眼就已 經好想尖叫出嚟，不過因為返緊工所以唔方便。我睇左你個BLOG好耐，由YAHOO開始睇你個BLOG到依家啦！』佢仲送左啲貼紙叫我轉贈俾小小豬添。

望見姐姐嘅笑容，再加上佢對我講依番說話，其實開心嗰個係我就真，因為得到佢嘅支持同肯定，仲要由咁早就開始睇我嘅BLOG，聽到嗰一刻都好感動，而且嗰一份滿足感真係好大。

姐姐：多謝你呀……我會繼續寫好我嘅BLOG，繼續本著自己嗰一份心意去寫，繼續分享我哋一家嘅開心事！