銅鑼灣八彩小籠包

上星期日晚和屋企去了利舞臺的新派上海飯店食晚飯，飯店以時尚裝修為主，昏暗燈光營造舒適氣氛，場中央一個長長的水池，讓人感覺好像在湖邊用膳一般，更帶來一望空闊嘅空間感。

特色復古茶具，懷舊得嚟帶來點點古典味。

上海點心一向是“賣飛佛”，而久聞這裡主打的八彩小籠包，今次終於可以品嘗一下。八彩小籠飽當然有八種口味：

米色-原味，傳統做法，純豬肉餡料，肉汁豐盈，皮薄卻不易穿，手工上乘。
綠色-人參，肉餡滲出淡淡人參味，還有一小片鮮人參片在內增加咬口。
啡色-鵝肝，可能被肉餡遮蓋了，鵝肝味變得很淡，沒有鵝肝的順滑惹味，只有淡淡的鵝油香。
橙色-蟹粉，蟹味濃郁但帶點腥，味道仍然鮮甜。
灰色-蒜香，蒜味濃厚，惹味略嫌搶口。
黑色-黑松露，黑松露香氣充實整個味蕾，還有一片黑松露夾在其中增添香味與口感。
黃色-芝士，微微奶香但沒有芝士的口感，勝在不會滯口。
紅色-麻辣，濃香花椒味但不會太辣，口感特別。

每款口味各有千秋，而且色彩繽紛，賣相精緻，值得一試。

除了小籠包外，這裡的鮮肉鍋貼及生煎包都做得頗出色。

鍋貼以類似傳統的做法，皮不會做得太薄，這樣才可煎出厚厚的脆底，內裡充滿肉汁，一咬即漏哂出嚟，加上酥脆的餃子底皮，一隻鍋貼兩種口感，正。

生煎包亦屬必試之選，鬆軟包皮配上好味肉餡，包底亦是煎得香脆，令人回味。

另外蔥油餅都做得出色，酥皮鬆脆，一咬即化，蔥香四溢。

除咗包點外，此處的上海小菜亦算不俗：

蟹粉豆腐，蟹粉做得不夠濃郁，帶點腥但尚算鮮甜，豆腐做得很嫩滑，吸收哂蟹嘅鮮味。

大閘蟹炒年糕，正宗上海菜著重紅油赤醬，濃濃的醬油加蟹香完全覆蓋煙韌年糕，啖啖醬油香滲入味蕾，面頭仲放咗隻小小大閘蟹，童叟無欺，有著傳統菜的精萃。

芙蓉賽螃蟹，蛋白以慢火炒到一梳梳，加點黑醋提味，鮮甜滑溜，唯放久了蛋白仍然有出水情況，一貫賽螃蟹的弊病，但不算嚴重，尚可接受。

麻婆豆腐烤桂魚，桂魚烤得嫩滑，豆腐不是一般所見的滑豆腐，而是用類似豆卜入饌，吸收了麻辣魚汁嘅精華，麻燙感充斥口腔但不會太辣，份外惹味。

京蔥肉絲配薄餅，以濃醬炒過大蔥絲及肉絲，味道濃濃甜甜的，配上透光薄餅，原是滬菜的傳統配搭，可惜因此處的薄餅可能不是即叫即製，上枱時邊皮的位置已有部份變得乾硬，影響口感。

木樨肉炒麵，拉麵煙韌有筋性，似是自家拉製，配料調味亦佳，近年在香港已很少食到這個麵身的炒拉麵，因大都用交貨來料，沒有韌性。

蒜香排骨拉麵，炸排骨做得鬆化，一咬即離骨；湯底偏淡，麵身口感一般。

最後甜品-高力豆沙，外皮炸得剛好，蛋白軟綿，豆沙餡亦充足，加埋外面的糖霜亦不會大甜。

全餐飯算是上乘質素，尤其包點更是出眾，一行八人食了約二千元左右，每位消費約$250，可以食到捧著肚子回家，銅鑼灣區晚膳的價格是差不多了。